Թուրքական բանկերը զգուշանում են Էրդողանի «խենթ նախագծից»

Թուրքիայի որոշ խոշոր բանկեր զգուշանում են «Ստամբուլի ջրանցքի» կառուցումը ֆինանսավորելուց էկոլոգիական խնդիրների եւ ներդրումային ռիսկերի պատճառով, գրում է Reuters-ը՝ հղում անելով չորս բարձրաստիճան բանկիրների:

Աղբյուրներից երկուսը հայտարարել են, որ կայուն զարգացման մասին գլոբալ պակտը խոչընդոտ է դարձել Kanal Instanbul-ի ֆինանսավորման համար:

Կառավարությունը մտադիր է հունիսին սկսել ջրանցքի շինարարությունը, որը միավորում է Սեւ ծովը հյուսիսում Մարմարի ծովի հետ հարավում, երկարությունը՝ 45 կմ: Էրդողանն ասում է, որ ջրանցքը կպաշտպանի Բոսֆորի նեղուցը:

Այնուամենայնիվ, Ստամբուլի քաղաքապետը, ինժեներները, եւ, համաձայն հարցման, քաղաքացիների մեծ մասը դեմ են նախագծին՝ էկոլոգիական նկատառումներով:

Թուրքական վեց բանկեր, այդ թվում՝ Garanti Bank, Is Bank եւ Yapi Kredi, ստորագրել են ՄԱԿ-ի կողմից աջակցվող հայրենական բանկային գործի սկզբունքները, որոնք կոչ են անում ստորագրած կողմերին խուսափել մարդկանց եւ մոլորակին վնաս հասցնելուց:

2019-ին ջրանցքի գինը գնահատվել է 75 մլրդ լիրա կամ 13 մլրդ դոլար:

Թուրք որոշ վարկատուների՝ ֆինանսավորելուց հրաժարվելը բարձրացնում է այն հավանականությունը, որ պետական եւ արտասահմանյան ֆինանսավորումը պետք է մեծ դեր ունենա, որպեսզի Էրդողանի երազանքն իրականանա: