«Գրեթե բոլորը պատերազմի մասնակցած տղերք են». Ոստիկանություն բերման ենթարկվածների մեծամասնությունը ՀՅԴ-ականներ են

ՀՀ Գլխավոր դատախազության շենքի դիմացից ապօրինի և բռնի ուժի կիրառմամբ ոստիկանության տարբեր բաժիններ բերման ենթարկված քաղաքացիներից մեծ մասը ՀՅԴ անդամներ են: Այս մասին NEWS.am-ին հայտնել է ՀՅԴ ԳՄ անդամ Իշխան Սաղաթելյանը:

Նա հայտնեց, որ բերման ենթարկվածներն են` Արմեն Վարդանյանը, Տարոն Մանուկյանը, Համբարձում Նանյանը, Արսեն Մարտոյանը, Սարգիս Հեքիմյանը, Վահե Թովմասյանը, Սարմեն Սաֆարյանը, Գագիկ Նահապետյանը, Նարեկ Վերդյանը, Մակիչ Պողոսյանը, Գերասիմ Վարդանյանը:

«Գրեթե բոլորը պատերազմի մասնակցած տղերք են, մի մասը վիրավորում ստացած: Մերոնք առաջին գծով են պայքարում եմ կարծում եմ, որ թիրախավորված է, նրանք այլ ակցիաների ժամանակ էլ են ձերբակալվել: Այս իշխանությունների հերթական ակնհայտ ապօրինությունների շարքն է . որով փորձում են հերթական անգամ լռեցնել այն մարդկանց, որոնք այսօր Սյունիքի արժանապատվության համար պայքարում են եւ շարունակելու են այդ պայքարը անկախ բոլոր դրսեւորումներից»,- հավելեց նա:

Բախումներ սկսվեցին ոստիկանների եւ ցուցարարների միջեւ. Դատախազության դիմաց իրավիճակը լարված է (ուղիղ)

ՀՀ դատախազության դիմաց երեկ երեկոյան տեղի ունեցած բախումների ժամանակ բերման ենթարկվեցին տասնյակ քաղաքացիներ. Քաշքշուկի հետևանքով գետնին է տապալվել նաև օպերատորներից մեկը՝ տեսախցիկը ձեռքին

Դատախազության շենքի մոտից ոստիկանները երեկ բերման են ենթարկել Իգոր Խաչատուրովին՝ ԶՈՒ ԳՇ նախկին պետ Յուրի Խաչատուրովի որդուն