2018-ի համեմատ այս տարի կա 85,000-ով ավելացել են աշխատատեղերը. Նիկոլ Փաշինյան (տեսանյութ)
Տնտեսության վերականգնման հերթական ազդակն ենք ստացել: Այս մասին Կառավարության հերթական նիստին հայտարարեց Նիկոլ Փաշինյանը՝ նշելով, որ 2021 թվականի մարտին աշխատատեղերի եկամուտ ու աշխատավարձ ունեցող աշխատատեղերի թվի աճ ենք ունեցել:
ՊԵԿ նախագահ Էդվարդ Հովհաննիսյանն ասաց, որ անցյալ տարվա համեմատՙ 0-ից բարձր վարձատրվող աշխատատեղերն ավելացել են 2500-ով, իսկ հարկման բազան կազմել է ավելի քան 131 միլիարդ, որը 2020 թվականի համեմատ ավելի է 7,5 միլիարդով: «Միջին հարկման բազան կազմել է 211 հազար 5 հարյուր, որը 2020 թվականի նկատմամբ ավել է 12 հազարով»,-ասաց նա՝ ավելացնելով, որ այս ցուցանիշների հավաստիությանը կասկածելն անմտություն է:
Նիկոլ Փաշինյանը, անդրադառնալով գնաճին, ասաց, որ առևտրաշրջանառության մասով պետք է հաշվի առնել, որ գնաճ էլ կա: ՊԵԿ նախագահն արձագանքեց, որ գնաճի գործոնը կա: «Ապրիլ ամսվա ցուցանիշները, սակայն, դեռ հրապարակված չեն, շատ ավելի ուշ է համապատասխան վերլուծությունը հնարավոր է իրականացնել»,-ասաց նա:
Ամփոփելով՝ Նիկոլ Փաշինյանը հայտնեց, որ 2018 թվականի համեմատ այս տարի կա 85 հազար 38 աշխատատեղի տարբերություն: Նա հետաքրքրվեց էկոնոմիկայի նախարարից նաև ստվերի կրճատման գործոնով պայմանավորված աշխատատեղերի ավելացումը։ Էկոնոմիկայի նախարար Վահան Քերոբյանն էլ ասաց, թե վերլուծությունները ցույց են տալիս, որ սա տնտեսական աճի հետևանք է: «Այս տեմպերով, որ գնանք, կունենանք գրանցված աշխատատեղերի ռեկորդ Հայաստանի պատմության մեջ»,- ասաց նախարարը: