Մարոկկոյի ԶՈՒ-ն «Բայրաքթար» TB2 թուրքական 13 մարտական անօդաչուների գնման 70 մլն դոլարի պայմանագիր է ստորագրել
Մարոկկոյի թագավորական զինված ուժերը 70 միլիոն դոլար արժողությամբ պայմանագիր են ստորագրել «Բայրաքթար» TB2 թուրքական 13 մարտական անօդաչու սարքերի գնման համար:
Գործարքը ներառում է նաեւ հեռակառավարման չորս ցամաքային կայաններ, անօդաչու թռչող սարքերի հետ աշխատանքի համար մոդելավորման կարգավորվող համակարգ եւ տեղեկատվությանը հետեւելու եւ պահպանելու թվային համակարգ: Նյութատեխնիկական աջակցությունը նույնպես համաձայնագրի մաս է կազմում:
Հաղորդագրության համաձայն, անօդաչու թռչող սարքերը պետք է մատակարարվեն այս տարի, դրանք նաեւ «տարածաշրջանային եւ մայրցամաքային տերություն» դառնալու թագավորության աճող հավակնությունների մաս են հանդիսանում:
2017-ին Ռաբատը «տարածաշրջանային գերազանցության» հասնելու հնգամյա ծրագիր է մշակել` իր ռազմական ուժերը արդիականացնելու հաշվին:
Անցյալ տարի ԱՄՆ-ը հավանության էր արժանացրել չորս MQ-9B Sea Guardian անօդաչու թռչող սարքերի վաճառքը Մարոկկոյին՝ Իսրայելի հետ դիվանագիտական հարաբերությունների վերականգնումից հետո, որը կատարվել էր Վաշինգտոնի կողմից Արաբական Սահարայի նկատմամբ ինքնիշխանության Ռաբատի պահանջների ճանաչման դիմաց:
Հաղորդվում է, որ Մարոկկոն նույն տարում Ֆրանսիայի տարածքով նաեւ իսրայելական Heron հետախուզական երեք անօդաչուներ է ստացել: