Սիրիայի նախագահական ընտրություններին առաջին անգամ կին թեկնածու է առաջադրվել
Սիրիայի խորհրդարանի նախագահ Համուդ Սաբբաղը հայտարարել է, որ այս տարի առաջին անգամ Սիրիայի նախագահական ընտրություններին մասնակցելու համար կին թեկնածու է առաջադրվել, հայտնում է արաբական Ma'an News լրատվական գործակալությունը։
Հայտնի է, որ Դամասկոսից 50-ամյա Ֆաթեն Ալի Նահարը որոշում է կայացրել նախագահական ընտրություններին մասնակցելու վերաբերյալ, սակայն կնոջ մասին մանրամասներ հայտնի չեն։
Բացի Ֆաթեն Ալի Նահարից, Սիրիայի նախագահի պաշտոնը զբաղեցնելու համար պայքարին մասնակցելու դիմում են ներկայացրել ևս երկու թեկնածու, որոնցից մեկը նախկինում արդեն մասնակցել է 2014 թվականի նախագահական ընտրություններին և պարտվել Բաշար ալ Ասադին։
Գործող նախագահ Բաշար ալ Ասադը, որը երկիրը կառավարում է 2000 թվականից, դեռևս մասնակցության հայտ չի ներկայացրել, սակայն սպասվում է, որ կներկայացնի։
Սիրիայում նախագահական ընտրությունները կայանալու են մայիսի 26-ին։