Եթե մենք գործողություններ չձեռնարկենք կլիմայի փոփոխության շուրջ, հետեւանքները կլինեն «ավելի քան աղետալի». Ջոն Քերի
Եթե գործողություններ չձեռնարկվեն կլիմայի փոփոխության շուրջ, մոլորակի համար հետեւանքները կլինեն «ավելի քան աղետալի»: Այդ մասին հայտարարել է Կլիմայի հարցերով ԱՄՆ հատուկ բանագնաց Ջոն Քերին:
Նրա խոսքով՝ այդ հարցի լուծման անհրաժեշտությունը չափազանց արդիական է ամբողջ աշխարհի համար:
Նշենք, որ ապրիլի 22-ին համաշխարհային առաջնորդները կհավաքվեն կլիմայի փոփոխության հարցերի շուրջ առցանց գագաթնաժողովին մասնակցելու համար: Երկօրյա գագաթնաժողովը կփորձի ակտիվացնել կլիմայի փոփոխության դեմ պայքարում խոշորագույն տնտեսությունների ջանքերը ՄԱԿ-ի առանցքային բանակցությունների նախօրեին, որոնք այս տարի կանցկացվեն Մեծ Բրիանիայում:
«Դա չափազանց հրատապ է: «Հրատապ» բառը լիովին կիրառելի է ներկայիս ճգնաժամի դեպքում, որում մենք գտնվում ենք, քանի որ երկրները պարզապես չեն կատարում իրենց աշխատանքը»,-ասել է Քերին:
«Եթե անգամ մենք անենք ամեն ինչ՝ ըստ Փարիզի համաձայնագրի, Երկրի ջերմաստիճանը բարձրանում է շատ զգալի չափով, հնարավոր է, 3,7 կամ ավելի բարձր աստիճանով, եւ այժմ հրատապության պատճառն այն է, որ մենք չենք կատարում Փարիզում տված խոստումները, ինչի կապակցությամբ ջերմաստիճանը մոտենում է 4 կամ ավելի բարձր աաստիճանի: Դա հղի է ավելի աղետալի հետեւանքներով սննդամթերքի արտադրության, ջրի, մոլորակի տարբեր հատվածներում բնակելիության, սառույցի հալման, ծովի մակարդակի բարձրացման, տաքացման համար»: