Հոնկոնգում հայտնաբերվել է կորոնավիրուսի N501Y շտամի մուտացիայով վարակվելու առաջին դեպքը
Հոնկոնգի իշխանությունները 3-շաբաթյա կարանտին են սահմանել 80 բնակչի համար նրանցից մեկի մոտ կորոնավիրուսի N501Y շտամի մուտացիայով վարակվելու դեպքը հայտնաբերելուց հետո, հաղորդում է ՌԻԱ Նովոստի-ն:
N501Y մուտացիան հայտնաբերվել է քաղաքի 29-ամյա բնակչի մոտ, որը մարտի 19-ին վերադարձել էր Դուբայից, որտեղ աշխատում էր՝ որպես ինժեներ: Շենքի 80 բնակիչների մեկուսացումն առավել կոշտ միջոցառում է վարակը վերահսկելու ուղղությամբ: Հոնկոնգի առողջապահության նախարարության ներկայացուցիչներից մեկը նշել է, որ կարանտին սահմանելն անհրաժեշտ է, քանի որ շտամի մուտացիաներն ավելի վարակիչ են:
Հոնկոնգի առողջապահության նախարար Սոֆյա Չենի խոսքով՝ N501Y շտամի մուտացիայով վարակվելու հետաքննությունը շարունակվում է: Նա հավելել է, որ հիվանդը չի ունեցել ախտանշաններ, իսկ կորոնավիրուսի առկայության մասին նրա թեստի արդյունքը բացասական էր հյուրանոցում 3-շաբաթյա կարանտինի ժամանակ: Նա նշել է, որ տղամարդը կարող էր վարակվել Դուբայում, իսկ շտամը կարող էր գտնվել ինկուբացիան շրջանում շատ երկար ժամանակ:
Նա մանրամասնել է, որ Հոնկոնգի իշխանություններն արդեն դադարեցրել են որոշ չվերթների կատարումը, որպեսզի խուսափեն կորոնավիրուսի շտամերի տարածումից: