Թշնամի լինելով հանդերձ՝ պետք է ստեղծենք դիվանագիտական հարաբերություններ, առևտուր անենք․ Փաշինյանը՝ Թուրքիային թշնամի համարելու հարցին ի պատասխան
Հարգելի գործընկերներ, արդյո՞ք մենք պետք է պատասխանենք հարցին, թե արդյոք թուրքը մեր թշնամին է, թե ոչ: Այստեղ հարցը այլ հարթակում պետք է քննարկվի, լավ ինչքա՞ն պետք է շարունակվի այդ թշնամական հարաբերությունները: Այսօր ԱԺ-ում նման հարցադրում է արել ԱԺ փոխնախագահ Ալեն Սիմոնյանը՝ հարցնելով՝ արդյո՞ք թուրքերը մեր թշնամիներն են, թե ոչ:
Նիկոլ Փաշինյանը պատասխանեց՝ ինչքան մենք ենք իրենց թշնամի համարում, այնքան էլ իրենք են մեզ թշնամի համարում:
«Ի՞նչ պետք է անենք այս կարգավիճակում, ինչքա՞ն ենք էսկալացնելու այդ թշնամությունը, ի՞նչ գործելակերպ ենք որդեգրելու, այս կոնտեքստում մենք պետք է պատասխանենք մի հարցի՝ իրենք և մենք խնդիր ենք դնում ոչնչացնե՞լ միմյանց, սա է խնդիրը, բայց Հայաստանը այպիսի խնդիր պետք է ձևակերպի»,- ասաց Նիկոլ Փաշինյանը:
Նա նշեց, որ թշնամի լինելով հանդերձ՝ պետք է ստեղծենք դիվանագիտական հարաբերություններ, առևտուր անենք և դրսում թշնամի տեսնելուց պետք չէ թուր ու թվանք հանել և սպանել:
«Երկրներ կան, որ թշնամի են, բայց իրար հետ տասնյակ միլիարդ դոլարների առևտրաշրջանառություն ունեն: Մարդիկ թշնամի են, բայց առևտուր են անում, զբոսաշրջիկներ են գալիս-գնում, դիվանագիտական հարաբերություններ ունեն և այլն: Նշանակում է փողոցում, երբ թշնամուն հանդիպում ես, թուր ու թվանքը հանում եք իրար սպանո՞ւմ, կամ 3-րդ երկրում հանդիպելիս իրար տալիս սպանո՞ւմ եք, ոչ իհարկե»,- նշեց Փաշինյանը: