Իրանը հայտարարել է, որ չի դադարի առաջ շարժվել ատոմային ոլորտում, քանի դեռ ԱՄՆ-չի վերացրել պատժամիջոցները
Իրանը մտադիր չԷ դադարեցնել որևիցե գործունեություն միջուկային բնագավառում, մինչև ԱՄՆ-ն չվերացանի իր նկատմամբ բոլոր պատժամիջոցները և չվերադառնա 2015 թվականի միջուկային գործարքին: Ինչպես տեղեկացնում Է «Արմենպրես»-ը, այդ մասին հայտարարել Է քաղաքական հարցերով Իրանի արտաքին գործերի փոխնախարար Աբաս Արաղչին:
«Թեհրանը չի դադարեցնի և նույնիսկ չի նվազեցնի իր գործունեության տեմպերը միջուկային ոլորտում, հատկապես այն հարցում, որը վերաբերում Է ուրանի հարստացմանը: Ուրանի հարստացման գործընթացը մինչև 20-տոկոսանոց մակարդակ տեղի կունենա նույնիսկ ավելի արագ տեմպերով, քան նախատեսված Է Իրանի խորհրդարանի կողմից ընդունված օրենքում: Այդ միտումը կպահպանվի այնքան ժամանակ, մինչև չկնքվի համաձայնագիր, որն ԱՄՆ-ին պարտավորեցնի չեղյալ հայտարարելու բոլոր պատժամիջոցները, ընդ որում դրանք բոլորը պետք Է վերացվեն միանգամից»,- մեջբերում Է Արաղչիին IRNA գործակալությունը:
Պաշտոնյայի խոսքով՝ «հայտնվել են նշաններ, որ ամերիկացիները վերանայում են իրենց դիրքորոշումը, և մի կողմ են դրվում բոլոր պատժամիջոցների վերացումները, բայց առայժմ իրանական կողմը չի կարող գնահատում տալ, քանի որ բանակցություններն ավարտված չեն:
«Երկար ճանապարհ Է սպասվում: Սակայն բանակցություններն առաջ են շարժվում և ընթանում են կառուցողական մթնոլորտում»,- ասել է նա:
Ապրիլի 6-ին Վիեննայում սկսվել Է Իրանի և միջազգային «հնգյակի» համատեղ հանձնաժողովի՝ 2021 թվականին առաջին նիստը: