Նիկոլ Փաշինյանն Էրդողանի և Ալիևի դրածոն է ՀՀ-ում․ Կառավարության նիստերը պետք է անցկացնեն թուրքական ֆեսերով․ Ոստիկաններին կոչ կանեմ նախ տղամարդ լինել, հետո՝ ոստիկան Նարեկ Մալյան
Ոստիկաններին կոչ կանեմ նախ տղամարդ լինել, հետո՝ ոստիկան։ Այս մասին Ոստիկանության կենտրոնականի բաժնի մոտ լրագրողների հետ զրույցում ասաց «ՎԵՏՕ» հասարակական-քաղաքական շարժման ղեկավար Նարեկ Մալյանը՝ անդրադառնալով «ՎԵՏՕ»-ի կին անդամների բերման ենթարկմանը։
«Այսօր տեսանք, որ տղամարդկության գործոնը, կարծես թե, գոյություն չունի այդ մարդկանց մոտ, դա մասնագիտական գործունեության հետ կապ չունի։ Նրանք Կառավարության մոտ կանանց պառկեցնում էին գետնին, քաշքշում, բռնություն կիրառում։ Քիչ առաջ կանանցից մեկը դուրս եկավ, ու պատմում էր, որ նաև բաժնում են բռնություն կիրառել»,- ասաց նա։
Նարեկ Մալյանը նշեց՝ ակցիա իրականացնող աղջիկները թուրքական ֆեսն ուզում էին հագցնել այս իշխանությունների գլխին։
«Ինչ է խնդիրը, եթե իրենք արդեն անթաքույց թուրքական օրակարգ են սպասարկում, այդ ֆեսից այդքան վա՞տ են զգում։ Թող վատ զգան, որ Իլհամ Ալիևն իր կոշիկները մաքրում է Նիկոլ Փաշինյանի դեմքին։ Արդեն բացահայտ թուրքերի օրակարգն են սպասարկում։ Թող Կառավարության նիստերն այդ ֆեսերով անեն, մենք էլ իմանանք՝ թուրքերը եկել, գրավել են այս երկիրը, ու համապատասխան որոշում կայացնենք»,-նշեց նա։
Մալյանի խոսքով՝ եթե 1-2 տարի առաջ ապացույց էին փնտրում, որ այս իշխանություններին թուրքերն են բերել, հիմա հենց իշխանություններն են ընդունում, որ թուրքի օրակարգն են առաջ տանում։ «Եթե այս իշխանությունն ազնիվ լիներ, հայ լիներ, մի տարի առաջ կասեր, ժողովուրդն էլ իր վերաբերմունքը կասեր։ Նիկոլ Փաշինյանն Էրդողանի և Ալիևի դրածոն է ՀՀ-ում»,-հայտարարեց նա։
Մանրամասները՝ տեսանյութում։