Ինչու ներդրումների բում չտեսանք. Բաբկեն Թունյանի մեկնաբանությունը

Ներդրումների բում չտեսանք, որովհետև թեև 2019-ին տնտեսական աճ եղավ, բայց երկարաժամկետ և լուրջ ներդրումների համար որոշակի ժամանակ էր պետք. մենք անցնցում ունեցել ենք ընդամենը մեկ տարի՝ 2019-ը, և անգամ մեր քննադատներն են ասում, որ բավականին լավ տարի էր: Այս մասին ապրիլի 6-ին, ԱԺ-ում լրագրողների հետ զրույցում նշել է ԱԺ տնտեսական հարցերի հանձնաժողովի նախագահ Բաբկեն Թունյանը:

«2020 թվականը այդ առումով մենք ամբողջությամբ կորցրել ենք եւ մեզնից կրկնակի, եռակի ջանքեր է պետք, որ դա վերականգնենք.,-ասաց նա:

Պնդմանը, որ ՀՀ տնտեսությունը կարող է վերականգնվել միայն խոշոր օտարերկրյա ներդրումների դեպքում, եւ քանի դեռ Նիկոլ Փաշինյանն իշխանության է, չեն վստահում եւ չեն գալիս ներդրումներ անելու, Թունյանը նշեց. «Օտարերկրյա խոշոր ներդրումները, բնականաբար, պետության համար շատ կարեւոր նշանակություն ունեն, եւ եթե դրանք լինեն, պա տնտեսությունը ավելի արագ կզարգանա: Բայց դա կապել կոնկրետ նձերի հետ, կարծում եմ՝ սխալ է, որովհետեւ ներդրողի համար ընդհանրապես նշանկություն չունի, թե պետության գլխին ով է, ինչ անուն-ազգանուն ունի: Ներդրողի համար կարեւոր է, թե ինքը այդ երկրում կարո՞ղ է շահույթ ունենալ, փող աշխատել, թե ոչ: Իր համար կարեւոր է իր պաշտպանվածությունը, ռիսկերը եւ խաղի կանոնները, կանխատեսելիությունը: Այս բոլոր գործոնների ամբողջությունն է որոշում: Անձերը կապ չունեն, համակարգերը պետք է նորմալ աշխատեն, որ ներդրողն երը շահագրգռված լինեն Հայաստան գալու համար»: