Կիևն ակնկալում է, որ ամերիկացիները կարող են Ուկրաինայի երկնքում ոչ թռիչքային գոտի ստեղծել. Репортер
Վերջին օրերին կտրուկ աճել է լարվածությունը Ռուսաստանի և Ուկրաինայի հետ սահմանին: Այս մասին գրում է Репортер-ը` նշելով, որ Հարավային ռազմական շրջանի նախապատրասատման ծրագրի համաձայն` Մոսկվան զրահատեխնիկա է տեղափոխում Ղրիմ:
Ուկրաինայի պաշտպանության նախարարի ոչ հաստիքային խորհրդական և լրագրող Յուրի Բուտուսովի կարծիքով` Պենտագոնը, իր հերթին, «ռուսական ագրեսիայի» սկսվելու պարագայում կարևող է Կիևին խոստացած լինել աջակցություն և ոչ թռիչքային գոտու ապահովում:
Լրագրողը ենթադրում է, որ ԱՄՆ-ի կողմից օդային տարածքի փակման շնորհիվ ուկրաինական բանակը կկարողանա կաթվածահար անել ռուսական զորքերի հարձակումը: Բուտոսովը հայտնել է նաև, որ Նահանգներն Ուկրաինայի Զինված ուժերին անհրաժեշտ հետախուզական տվյալներ և սպառազինում կտրամադրի, այդ թվում` «Ջավելին» հակահրթիռային համակարգերը: ՆԱՏՕ-ի զորքերի ուղարկման հարցը` որպես աջակցություն «ուկրաինացի գործընկերներին», դեռ չի դիտարկվում:
Եվրոպական դիվանագիտության ղեկավար Ժոզեպ Բորելն ավելի վաղ հեռախոսազրույցներ է ունեցել Ուկրաինայի ԱԳ նախարար Դմիտրի Կուլեբայի հետ: Բորելն ընդգծել է, որ առաջիկա օրերին կկայանա ԵՄ 27 անդամ երկրների արտգործնախարարների հանդիպումը, որի ժամանակ կքննարկվի ռուս-ուկրաինական սահմանին ծավալվող իրադարձությունների սրումը:
Ապրիլի 1-ին ՌԴ նախագահի մամուլի քարտուղար Դմիտրի Պեսկովը հանգստացրել էր միջազգային հանրությանը` նշելով, որ ռուսական զորքերի կենտրոնացումը Ղրիմում չի խոսում ռազմական գործողություններ սկսելու Մոսկվայի ծրագրերի մասին: Պեսկովը նկատել է նաև, որ հակամարտության կարգավորման համար Կիևն անմիջական շփում պետք է ունենա Դոնեցկի ներկայացուցիչների հետ: