Հնդկաստանում մաոիստների հետ բախման հետևանքով զոհված զինվորների թիվը հասել է 23-ի, կա 33 վիրավոր

Հնդկաստանի Չհատիսգարհ նահանգում շաբաթ մաոիստ զինյալների խմբի հետ բախումների հետևանքով զոհված զինծառայողների թիվը հասել է 23-ի: Այս մասին հայտնում է «ՏԱՍՍ» գործակալությունը` նշելով, որ ևս 33 հատուկջոկատային վիրավորվել է:

Ավելի վաղ հաղորդվում էր 22 զոհի և 31 տուժածի մասին: Ուժայինների և ապստամբների միջև դաժան մարտեր են տեղի ունեցել Բիջապուր քաղաքում, երբ անվտանգության ուժերի ստորաբաժանումները ծուղակի մեջ են հայտնվել և շրջափակվել մաոիստների կողմից: Հնդկական հատուկ ստորաբաժանման կազմում ընդգրկված են եղել նաև «Կոբրա» (CoBRA, Commando Battalion for Resolute Action) էլիտար ստորաբաժանման զինվորները:

Հատուկջոկատայիններին աջակցությունն ուշացել է: Ողջ մնացած զինվորների խոսքով` 400 գրոհային գտնվել է շուրջկալի մեջ, որին հաջորդել է կրակահերթը իրենց ուղղությամբ: Մարտերի ժամանակ սպանվել է 12 մաոիստ, վիրավորվել` 16-ը:

Բախումների ժամանակ զոհված զինվորների ընտանիքներին ցավակցություն է հայտնել երկրի վարչապետ Նարենդրա Մոդին:

«Մտքերս Չհատիսգարհում զոհվածների ընտանիքների հետ են»,- գրել է վերջինս թվիթերյան էջում: