Ճապոնացիները ստեղծել են «հակավիրուսային» պլաստիկ քարտ
Համավարակի ֆոնին համաշխարհային խուճապը ստիպում է ամբողջ աշխարհում տարբեր կորպորացիաներին ստեղծել ամենատարբեր մեթոդները վիրուսի դեմ պայքարում: Օրինակ՝ ճապոնացի մասնագետները ստեղծել են պլաստիկ քարտ, որը ոչնչացնում է վիրուսային մասնիկները, որոնք հայտնվում են դրա մակերեսին, հաղորդում է Planet- today-ը:
Մեկ տարուց ավելի շարունակվող վիրուսային վարակը ստիպել է ակտիվանալ անգամ ընկերություններին, որոնք շատ հեռու են վիրուսաբանությունից: Ճապոնացիները որոշել են տարածել բժիշկների կողմից խորհուրդ տրվող վճարման անհպում մեթոդը: «Toppan Printing» ընկերության մասնագետները ստեղծել են պլաստիկ քարտեր նյութից, որը նվազեցնում է վիրուսի մասնիկների կոնցենտրացիան դրա մակերեսին օրական 99 տոկոսով: Ընդ որում՝ հակավիրուսային բաղադրիչը ոչ միայն տարածվում է պատրաստի քարտի վրա, այլ ներդրվում է դրանում հենց նյութը պատրաստելու գործընթացում:
ՌԻԱ Նովոստի-ի հաղորդմամբ՝ ընկերության ներկայացուցիչները դեռեւս չեն կարող ասել, թե երբ նոր քարտերը կայտնվեն շրջանառության մեջ: Սակայն դրանք ստեղծելու պատենտն արդեն ստացել են:
Հակավիրուսային քարտերը կարող են պահանջվել ոչ միայն բանկային ոլորտում, այլ նաեւ անձը հաստատող փաստաթուղթ եւ այլ այդպիսի փաստաթղթեր արտադրելու գործում: