Աբովյանի թիվ մեկ դպրոցում իրավիճակը շարունակում է մնալ նույնը, թեև երեկ դպրոց էր եկել Ժաննա Անդրեասյանը. Դպրոցում դասապրոցեսը վերականգնված չէ (Տեսանյութեր)
Երեկ տևական ժամանակ հարցի մասին բարձրաձայնելուց հետո վերջապես Աբովյանի թիվ մեկ ավագ դպրոց էր եկել ԿԳՄՍՆ փոխնախարար Ժաննա Անդրեասյանը:
Ըստ դպրոցի ուսուցչի՝ Հայկ Փայտյանի, Ժ. Անդրեասյանը մեղադրում էր ուսուցիչներին, որ դպրոցում դասապրոցես չկա և ասում՝ եկեք մտածենք երեխաների մասին:
Հայկ Փայտյանը հարց է բարձրացնում, իսկ ուր էր ԿԳՄՍՆ-ն այս ամբողջ մեկ ամսվա ընթացքում, ինչո՞ւ նրանք մինչ այդ չէին անդրադառնում խնդրին:
Մանրամասն՝ տեսանյութում:
Նշենք, որ Հայկ Փայտյանը երեկ իր Facebook-ի էջում տարածել էր Ժաննա Անդրեասյանի՝ ծնողների և տնօրենի հետ հանդիպման տեսանյութը:
Հիշեցնենք, որ ինչպես դեռ փետրվարի 18-ին Operativ լրատվականը հաղորդել էր, Աբսուրդային իրավիճակ Աբովյանի թիվ մեկ Ավագ դպրոցում, 370 աշակերտից հարյուրը դպրոցից հեռանալու դիմում է գրել:
Operativ լրատվականի հետ բացառիկ հարցազրույցում դպրոցի ուսուցիչ Հայկ Փայտյանը նշել էր, որ ԿԳՄՍՆ-ն ոչինչ չի անում, դասապրոցես դպրոցում չկա, իսկ տնօրենն էլ հայտարարել է է, թե՝ գնում եք, գնացեք:
Նշենք, որ փետրվարի 20-ին Operativ լրատվականը հաղորդել էր նաև, որ ծնողները կրկին Աբովյանի թիվ մեկ դպրոցում էին, նորանշանակ տնօրենն էլ հայտարարել էր, թե դպրոցի պատմության ուսուցիչը՝ Հայկ Փայտյանը, ով հասարակությանը օբյեկտիվորեն իրազեկում է դպրոցում կատարվելիք աբսուրդի մասին, ազատված է:
Հայկ Փայտյանը նշում էր, որ դպրոցից հեռացվել է նաև տնտեսվարը:
Շեշտենք, որ փետրվարի 25-ին Operativ լրատվականը կրկին անդրադարձել էր այս խնդրին: «Աստված էլ իջնի, ես եմ լինելու այս դպրոցի տնօրենը», ասել էր նորանշանակ տնօրեն Քարմիլե Առաքելյանը, ում պատճառով ստեղծվել է այս ամբողջ անհեթեթությունը: