Ֆրանսիայում համավարակի բռնկումից ի վեր ավելի քան 87 000 մարդ է մահացել կորոնավիրուսից. RT
Ֆրանսիայում վերջին մեկ օրում կորոնավիրուսով վարակման 22 857 նոր դեպք է արձանագրվել, հաղորդում է RT-ն:
Երկրում կորոնավիրուսային հիվանդությամբ վարակված անձանց ընդհանուր թիվն հասել է 3 783 528-ի:
Համավարակի բռնկումից ի վեր երկրում կորոնավիրուսից 87 246 մարդ է մահացել:
Վարակման ամենից շատ դեպքեր արձանագրվել են Միացյալ Նահանգներում, որին հաջորդում են Հնդկաստանը, Բրազիլիան, Ռուսաստանը, Մեծ Բրիտանիան:
Կորոնավիրուսով պայմանավորված հիվանդությունից աշխարհում մահացել է ավելի քան 2 միլիոն մարդ, որոնցից ավելի քան 400 000-ը՝ ԱՄՆ-ում: Մահացության ցուցանիշով առաջատար երկրներն են Բրազիլիան, Հնդկաստանը, Մեքսիկան, Մեծ Բրիտանիան, Իտալիան, Ֆրանսիան: