Անկախության 30 տարիներին բանակը երբեք քաղաքական գործընթացներին չի խառնվել, բայց երբ կարդում ես ԳՇ հայտարարությունը, պետականության սպառնալիքի մասին գնահատականներ ես տեսնում. Լիլիթ Գալստյան
Այսօր հայոց բանակի հիշատակի և զորակցության օր է, որովհետև բանակը մեր անկախության կերտողներից մեկն է: Այս երկուսուկես տարվա ընթացքում պետական դավաճանը իր թիրախում պահեց բոլոր ազգային արժեքները և նսեմացրեց նաև բանակը՝ մոռանալով, որ այդ բանակի կերտած հաղթանակներով մենք կարողացանք ամուր պահել մեր պետականությունը. Բաղրամյան պողատայում անցկացված «Մտավորականությունը կանգնած է բանակի կողքին» խորագրով հիշատակի հավաքի ժամանակ Tert.am-ին երեկ ասաց ՀՅԴ Գմ անդամ Լիլիթ Գալստյանը:
Նա նշեց, որ մտավորականները, արվեստագետները ցանկություն են հայտնել ներկայանալ հավաքին, այդ կերպ ցույց տալով, որ բանակի կողքին են: Գալստյանը քաղաքացիներին կոչ արեց գնալ Բաղրամյան պողոտա, և ցուց տալ, որ հավատարիմ են բանակին. «Այսօր հիշատակի օր է, ցավոք սրտի դավադիր պատերազմը մեզանից խլեց մեր ոսկե լուսավոր երիտասարդների կյանքերը և այսօր մեկ անգամ ևս առիթ է նրանց հիշատակի առջև խոնարհվելու և ասելու, որ հավատարիմ ենք նրանց»:
Հարցին, թե Գլխավոր շտաբի հայտարարությունն արդյո՞ք ուշացած չէ, Գալստյանը նշեց, որ ինչպես ԳՇ պետն է հայտնել, դեռ օգոստոսին ներկայացրել է իրերի վիճակը և Նիկոլ Փաշինյանը եզրակացություններ անելու ժամանակ ունեցել է, բայց ինչպես համոզվում է, նրա հիմնական խնդիրը պատերազմի սանձազերծումն ու պարտությունը հայ ժողովրդի վրա փաթաթելն էր:
Լիլիթ Գալստյանի համոզմամբ՝ պատերազմի օրերին Օնիկ Գասպարյանը և հրամանատարական, սպայական կազմը բազմաթիվ հորդորներով դիմել է Փաշինյանին, բայց կառավարման խայտառակ ձախողման պատճառով ունեցանք այն, ինչ ունենք:
«Մեր անկախության 30 տարիներին, մեր բանակն երբեք քաղաքական գործընթացներին չի խառնվել և շարունակում է չխառնվել, բայց երբ կարդում ես ԳՇ հայտարարությունը դու տեսնում ես այնտեղ սահմռկեցուցիչ գնահատականներ են՝ երկրի սխալ կառավարման, կործանման տանելու և պետականության սպառնալիքի մասին: Ուզում եմ սլաքս ուղղել ՀՀ դատախազությանը և գլխավոր դատախազին, որովհետև նոյեմբերի 10-ից հետո իրավաբանների հանրույթը դավաճանության քրեական հոդվածով հայցադիմում էր ներկայացրել դատախազություն: Այս ամենին գումարվում է ԳՇ- ի հայտարարությաունը, որի մեջ երկիրը կոլապսի տանելու գնահատականներ կան, և դատախազությունը հիմք ունի դավաճանական հոդվածով գործ հարուցելու և գնահատական տալ, թե ինչպե՞ս եղավ, որ Հայաստանը կանգնած է պետականության կորստի և կոլապսի առջև»:
Գալստյանը նշեց, որ ամեն անգամ, երբ գնահատակններ են հնչում երկրի կործանման և ճգնաժամի մասին, հիշում է Նիկոլ Փաշինյանի վարած արտաքին և ներքին քաղաքականությունը:
«Իրենք ամեն ինչ արեցին, որ Հայաստանը հանգեցնեն պարտության: Զարմանք ունեմ, թե իշխանության անկարողականության վրա, որովհետև երբեմն այնպիսի հայտարարություններ է անում, որ վերջին ապուշը նման հայտարարություն չի անի, և թե գիտակցված պարտության համար»: