Սեւ ծովում սկսվել են ՆԱՏՕ-ի զորավարժությունները
ՆԱՏՕ-ի Poseidon-21 միջազգային զորավարժությունները շաբաթ օրը մեկնարկել են սեւծովյան «Կոնստանցա» նավահանգստում, հայտնել է Ռումինիայի ՌԾՈՒ Գլխավոր շտաբի մամուլի ծառայությունը, հաղորդում է «ՌԻԱ Նովոստին»:
«Կոնստանցա» նավատորմի հրամանատարությունը պլանային վարժանքներ է իրականացնում ծովում, ցամաքում եւ օդում, որոնցում միավորված են Բուլղարիայի, Ֆրանսիայի, Հունաստանի, Ռումինիայի, Իսպանիայի, Ամերիկայի Միացյալ Նահանգների եւ Թուրքիայի ուժերը: Poseidon-21 - ը խիստ բարդ վարժանք է, որի նպատակն է լավագույնս օգտագործել ՆԱՏՕ-ի հնարավորությունները` Դաշինքի արագ արձագանքման համար»,- ասվում է հայտարարության մեջ, որը հրապարակվել է Ռումինիայի ՌԾՈՒ Գլխավոր շտաբի կայքում:
Զորավարժությունների ընթացքում կմշակվեն ստորջրյա սպառնալիքների դեմ պայքարի սցենարներ, որոնք ներառում են ջրագրական հետախուզություն, ծովային ականների եւ ինքնաշեն պայթուցիկ սարքերի հայտնաբերում եւ վնասազերծում: Նաեւ վարժանքներ են անցկացվում հակառակորդի ինքնաթիռների, նավերի եւ սուզանավերի դեմ պայքարելու, վնասված նավերը քարշարկելու, ջրում վառելիքով լիցքավորելու եւ առաջին բուժօգնություն ցուցաբերելու համար: Ի թիվս այլ բաների, Ռումինիայի պաշտպանության նախարարությունը եւ ներքին գործերի նախարարությունը պետք է համատեղ գործողություններ մշակեն հիդրոտեխնիկական կառույցի պայթյունի ժամանակ:
Զորավարժություններին մասնակցում են ականադիր Viceamiral Constantin Bălescu նավը, Cpt.cdor Alexandru Cătuneanu հիդրոգրաֆիկ նավը, Venus ջրասուզակ նավը, երկու ՄիԳ -21 կործանիչներ, ինչպես նաեւ IAR 330 MEDEVAC եւ Puma Naval ուղղաթիռներ, որոնք տրամադրել է Ռումինիան: Դաշնակիցները զորավարժություններին ուղարկել են Tsibar հեռակառավարվող ռոբոտ սուզանավը, Rafale եւ Eurofighter Typhoon մարտական ինքնաթիռները, ինչպես նաեւ ջրասուզակների: Զորավարժություններին կներգրավվեն նաեւ Sokullu Mehmet Paşa ուսումնական նավը, Locotenent Lupu Dinescu ու Priboy ձկնորսական նավերը եւ Tajo и Ayvalik ծովային ականազերծողները: