Կատալոնիայում հաջակցության ձերբակալված ռեփերի անցկացվող ցույցերի հետևանքով ձերբակալվել է ևս 7 մարդ. ցուցարարներից մեկը կորցրել է աչքը

Ուրբաթ Կատալոնիայի իրավապահ Mossos d'Esquadra մարմնի աշխատակիցները Տերասա քաղաքում ռեփեր Պաբլո Ասելի ձերբակալման դեմ իրականացվող բողոքի ակցիայի ժամանակ ձերբակալել են յոթ մարդու, այդ թվում` մեկ անչափահասի, հայտնում է «ՌԻԱ Նովոստի» լրատվական գործակալությունը՝ հղում տալով իսպանական Periodico թերթին։

Ըստ թերթի՝ ցույցին մասնակցել են մի քանի հարյուր երիտասարդներ: Կատալոնիայի ոստիկանությունը գործողություններ է ձեռնարկել այն բանից հետո, երբ ցուցարարները քարեր, պայթյունավտանգ առարկաներ, ձվեր, պահածոներ և այլ իրեր են նետել իրավապահ մարմինների աշխատակիցների վրա: Եվս մեկ խումբ մարդիկ քաղաքի կենտրոնում տարաներ են հրդեհել:

Իսպանիայում բողոքի ակցիաները սկսվել են փետրվարի 16-ին՝ ռեփեր Պաբլո Ասելին ձերբակալելուց հետո, որը դատապարտվել է ինն ամսվա ազատազրկման՝ միապետությանը վիրավորելու և արգելված ահաբեկչական կազմակերպություններին սոցիալական ցանցերում գավաբանելու համար: Շատ քաղաքներում գործողությունները վերածվել են անկարգությունների և ոստիկանության հետ բախումների: Ավելի քան հարյուր մարդ բերման է, հարյուրից ավել մարդ վիրավորվել է, այդ թվում ՝ տասնյակ իրավապահներ: Ոստիկանության կողմից արձակված ռետինե փամփուշտի պատճառով մի աղջիկ կորցրել է աչքը:

Իսպանիայի վարչապետ Պեդրո Սանչեսը հայտարարել է, որ անհրաժեշտ է ուժեղացնել խոսքի ազատության պաշտպանությունը երկրում, սակայն, ըստ նրա, բռնության կիրառումն անընդունելի է ցանկացած պարագայում:

Իսպանիայի կառավարությունը հայտարարել է, որ պատրաստվում է վերանայել խոսքի ազատությանը վերաբերվող հանցագործությունների համար նախատեսված պատիժները, որպեսզի այն տարածվի միայն նրանց վրա, ովքեր իրենց խոսքում բռնություն են արտահայտում, կամ նրանց գործողություններն սպառնում են հասարակական կարգին: