на Русском
ՀՀ-ում ԱՄՆ դեսպանն ու ԱՄՆ Սենատի արտաքին հարա... 
Փրկարարներն իրականացրել են հարկադիր քարաթափմա... 
Եթե լիներ ռազմական հեղաշրջման փորձ, այն եղած կլիներ, հրաժարականի պահանջը ռազմական հեղաշրջման փորձ չէ․ Վարդան Աթաբեկյան
Երեկ Նիկոլ Փաշինյանը իր գործողություններով և հայտարարությամբ ցույց տվեց, որ ռազմական հեղաշրջման մտավախություններ ունի: Այս մասին լրագրողների հետ զրույցում ասաց «Իմ քայլը» խմբակցության նախկին անդամ Վարդան Աթաբեկյանը:
«Եթե լիներ ռազմական հեղաշրջման փորձ, ապա այն եղած կլիներ, եթե պահանջում ես հրաժարական, ապա դա ռազմական հեղաշրջման փորձ չէ, միգուցե ունես կասկած այդ հարցում և ձևակերպումը տաս՝ մտավախություն կա, որ արվում է ռազմական հեղաշրջման փորձի»,- ասաց Վարդան Աթաբեկյանը:
Վարդան Աթաբեկյանի հավաստմամբ՝ երեկ պետական պաշտոնյաները հրապարակում զանգված են ապահովել, և մի քանի տարի առաջվա հրապարակը բավականին տարբերվում էր երեկվա Հանրապետության հրապարակից:
«Երբ ժողովուրդը երեկ գար և աջակցեր, ամեն բան այլ կլիներ, բայց երբ այնտեղ էին պետական պաշտոնյաներ, դա այդքան էլ թույլատրելի չէ ․․․ Այն հրապարակում, որում ժամանակին հարցեր էին լուծվում, հիմա բավականին տարբերվում է երեկվա հրապարակից, հատկապես քանակով և որակով»,- ասաց Վարդան Աթաբեկյանը:
Նրա կարծիքով, եթե ԶՈՒ գլխավոր շտաբն է հայտարարությամբ հանդես գալիս, միանշանակ մտավախությունների կարիք կա: «Գլխավոր շտաբը սովորական կառույց չէ և եթե Գլխավոր շտաբն է քո հրաժարականը պահանջում, դու կարող ես վախ ունենալ, որ այդտեղ կա ռազմական հեղաշրջման տարր: Վարչապետը երեկ փորձում էր ցույց տալ՝ ինչքան մարդ է իրեն սատարում և դրանով կանխում էր հեղաշրջման փորձը»,- ասաց նա:
Վարդան Աթաբեկյանի խոսքով՝ երկու ուժերն էլ երեկ կարողացան խուսափել քաղաքացիական պատերազմից, քանի որ շարժվեցին տարբեր ուղղություններով:
«Երեկ երկու ուժերն էլ հնարավորինս տարբեր ուղղություններով շարժվեցին, որ որևէ բախում չլինի, բայց վերջում պարզ դարձավ՝ ում և ինչ զանգվածներ են սատարում: Քաղաքացիական բախում չի լինի, քանի որ կարծում եմ՝ երկու կողմերն էլ հասկանում են, որ քաղաքացիների բախումը լավ հետևանք չի ունենա, իսկ մեր երկիրը մեկ անգամ դրա միջով անցել է, և դա գիտակցելով՝ այս անգամ այդ քայլին չեն գնա»,- մեկնաբանեց նա:
Վարդան Աթաբեկյանը նաև ընդգծեց, թե չի հասկանում ի՞նչ է նշանակում «վերջ թավիշին» արտահայտությունը, որը երեկ Հանրապետության հրապարակից 3 անգամ հնչեցրել է Նիկոլ Փաշինյանը:
«Այն պրոցեսները, որոնք պետք է կատարվեին երկիրը բարվոք վիճակի բերելու համար, թավիշի պարագայում ևս կարող էին իրականացվել և վստահաբար դա չէ խոչընդոտ: Ի՞նչ է նշանակում «վերջ թավիշին», ես չեմ հասկանում, բայց մի բան գիտեմ՝ երկու դաշտում էլ լարված իրավիճակ է և եթե ճիշտ քայլեր ձեռնարկվեն, ապա կլինի կուլմինացիա, քանի որ այս վիճակով երկիրը շատ է տուժում»,- ասաց Վարդան Աթաբեկյանը:
