Boeing-ը փորձում է 737 MAX ինքնաթիռները վերադարձնել Ասիայի երկինք. Reuters

Boeing Co ընկերությունն աշխատում է կարգավորիչների և հաճախորդների հետ՝ 737 MAX տեսակի ինքնաթիռն Ասիայի երկինք վերադարձնելու համար, հինգշաբթի ասել է ընկերության ղեկավարը։

Այս մասին հայտնում է Reuters լրատվական գործակալությունը:

«Մենք շարունակում ենք աշխատել համաշխարհային կարգավորիչների և մեր հաճախորդների հետ` 737 MAX-ն ամբողջ աշխարհում ծառայության վերադարձնելու նպատակով», - Հարավ-Ասիական շուկայի վերաբերյալ ճեպազրույցի ժամանակ լրագրողներին ասել է Boeing ընկերության փոխնախագահ Դարեն Հալսթը։

ԱՄՆ-ում, Եվրոպայում, Մեծ Բրիտանիայում, Կանադայում, Բրազիլիայում և Արաբական Միացյալ Էմիրություններում գործող կարգավորիչներն այն հաստատությունների թվում են, որոն տեխնիկական փոփոխությունների և օդաչուների լրացուցիչ ուսուցման արդյունքում արդեն իսկ հաստատել են ինքնաթիռի գործածությունը: Սակայն բազմաթից երկրներ դեռևս արգելում են ինքնաթիռի կիրառումը։ Չինաստանն առաջին պետությունն էր, որը 2019 թվականին արգելել է ինքնաթիռի թռիչքն իր օդային տարածքով և դեռևս հայտնի չէ, թե այն երբ կվերականգնվի։

Չինաստանում, Հարավային Կորեայում, Սինգապուրում, Ինդոնեզիայում, Թաիլանդում, Հնդկաստանում և Ֆիջիում ավիաընկերությունները շահագործում էին 737 MAX ինքնաթիռները՝ մինչև դրանց վթարները, որոնցից առաջինը տեղի է ունեցել 2018 թվականին Ինդոնեզիայում։

Ընկերության փոխնախագահ Դարեն Հալսթը նշել է, որ ինքը լավատեսորեն է տրամադրված այդ հարցի շուրջ և կարծում է, որ ինքնաթիռի պահանջարկը 2021–2039 թվականներ համար կանցնի 4400–ը, որը կարժենա ավելի քան 710 միլիարդ դոլար։