Գվարդիոլան մարզչական կարիերայի ընթացքում առաջին անգամ հաղթել է 14 խաղերում անընդմեջ
«Մանչեսթեր Սիթին» ԱՊԼ-ի 23-րդ տուրում խոշոր հաշվով հաղթեց «Լիվերպուլին» (4-1)։
Պեպ Գվարդիոլայի թիմի համար սա 14-րդ անընդմեջ հաղթանակն էր բոլոր մրցաշարերում։ «Քաղաքայինները» կրկնել են Անգլիայի բարձրագույն դիվիզիոնի ռեկորդը։
50-ամյա մասնագետի մարզչական կարիերայում սա առաջին դեպքն է, երբ նա 14 անընդմեջ խաղերում հաղթանակ է տանում, հաղորդում է Mister Chip-ը։
Ավելի վաղ Գվարդիոլան գլխավորել է «Բարսելոնան», «Բավարիան», իսկ «Սիթին» գլխավորում է 2016 թվականից։
Պեպի լավագույն ցուցանիշը եղել էր «Բավարիայի» հետ 2013/14 թվականների մրցաշրջանում, երբ մյունխենցիները 13 անընդմեջ հաղթանակ էին տարել։