Կորոնավիրուսի ծագումն ուսումնասիրող գիտնականներն Ուհանում հայտնաբերել են «կարեւոր բանալիները». Bloomberg

Կորոնավիրուսի ծագումն ուսումնասիրող գիտնականներն անցկացնում են երկարատեւ հետազոտություն Չինաստանում եւ հայտնաբերել են «կարեւոր բանալիները», որոնք վերաբերում են Ուհանում ծովամթերքի շուկայի դերին համավարակի բռնկման կապակցությամբ, գրում է Bloomberg-ը:

Նյու Յորքից կենդանաբան Փիթեր Դազակը, որն աջակցել է Առողջապահության համաշխարհային կազմակերպության առաքելությանը, ասել է, որ ակնկալում է, որ հիմնական արդյունքները կհրապարակվեն նախքան փետրվարի 10-ը:

Հետազոտողները ցանկանում են տեղեկանալ՝ ինչպես է SARS-CoV-2 վիրուսը տարածվել Ուհանում, այնուհետեւ պատճառ դարձել ավելի քան 100 տարվա ընթացքում ամենասարսափելի համավարակի համար: Դազակը նշել է, որ ուսումնասիրությունը կանխագուշակում է շրջադարձային պահ համավարակի հետեւանքները մեղմեկու առումով:

Գիտնականների վարկածները, որ վիրուսի տարածումը կարող էր դառնալ Ուհանում Վիրուսաբանության ինստիտուտից արտահոսքի հետեւանք, հերքվել է:

Գիտնականներն այցելել են Շի Ժենգլի լաբորատորիան, որը հավաքել եւ վերլուծել է այդ վիրուսներն ավելի քան 10 տարի:

Աշխատանքն իրականացվել է չինացի գործընկերների հետ մեկտեղ, որոնք օգնել են հետազոտողներին ավելի խորքային ապացույցներ գտնել, հավելել է նա:

Հաջորդող հետազոտությունները հայտնաբերել են վարակման ավելի վաղ դեպքեր մարդկանց շրջանում, որոնք կապ չեն ունեցել շուկայի հետ: Գիտնականներն ավելի խորքային ուսումնասիրություն են կատարել եւ հայտնաբերել են ավելի «կարեւոր ապացույցներ» շուկայի դերի մասին, ասել է Դազակը:

Ընդ որում՝ սննդի շուկան փակ էր եւ մաքրված վարակման առաջին դեպքերից անմիջապես հետո, սակայն «այն դեռեւս բավականին պահպանված է»,-ասել է Դազակը:

«Մարդիկ շտապել են հեռանալ եւ թողել են սարքավորումը, սպասքը, տեղի ունեցածի հետքերը, եւ դա այն է, ինչը մենք ուսումնասիրել ենք»,-նշել է նա:

Չինաստանից գիտնականները, որոնք նմուշառում են վերցրել շուկայից, պարզել են տեղը, որտեղ հայտնաբերվել են SARS-CoV-2 ատիպիկ թոքաբորբի հետքերը, պատմել է գիտնականը:

«Այն ամենն, ինչ ես արդեն տեսել եմ, խոսում է այն մասին, որ կան իրական հուշումներ տեղի ունեցածի մասին, եւ ես հուսով եմ, որ այս ճամփորդության վերջում մենք կկարողանանք համոզիչ բացատրություն տալ դրան»,-եզրափակել է գիտնականը: