Ճապոնիայում դարձյալ քննարկում են Ռուսաստանի կողմից Կուլիլյան կղզիների «գրավումը»

Թեզը, որ «հյուսիսային տարածքները», ինչպես Ճապոնիայում անվանում են Կունաշիրը, Շիկոտանը, Իտուրուպն ու Խաբոմաին, եղել են «գրավված», կրկին վերադարձել է Ճապոնիայում ամենամյա համապետական նիստի օրակարգ հանուն «հյուսիսային տարածքների» վերադարձի, սակայն առանց հիշատակելու երկիրը, որը «գրավել է» դրանք, հաղորդում է ՌԻԱ Նովոստի-ն:

Նիստն անցկացվում է ամեն տարի այսպես կոչված Հյուսիսային տարածքների օրը, որը նշվում է Ճապոնիայում փետրվարի 7-ին: Նիստին ավանդաբար մասնակցում է վարչապետը, ԱԳ նախարարը եւ երկրի կառավարության այլ անդամներ: Այս տարի կորոնավիրուսի համավարակի պատճառով որոշվել է անցկացնել նիստն առանց դահլիճում հյուրերի՝ առցանց ռեժիմում:

«Այսօր՝ հյուսիսային տարածքների օրը, կորոնավիրուսի պայմաններում մենք անցկացրել ենք նիստը հանուն հյուսիսային տարածքների՝ Իտուրուպի, Կունաշիրի, Շիկոտանի եւ Խաբոմաի վերադարձման, որոնք համարվում են մեր երկրի տարածքը: Ափսոսանք է առաջացնում փաստը, որ չորս հյուսիսային կղզիները 75 տարվա ընթացքում շարունակում են գրավված մնալ առանց իրավական հիմնավորման»,-ամբիոնից հայտարարել է երիտասարդության ներկայացուցիչ Յույա Սատոն:

Նախորդ երկու տարիների ընթացքում այդ թեզը փոխարինվել էր արտահայտությամբ, որ պատերազմից հետո անցել է ավելի քան 70 տարի, իսկ խաղաղ համաձայնագիրն այդպես էլ չի կնքվել:

Ներկայիս համագումարի թեզերում ընդգծվում է, որ անհրաժեշտ է արագացնել բանակցությունները, որպեսզի լուծվի տարածքային խնդիրը, կնքել խաղաղ համաձայնագիր Ռուսաստանի հետ երկու երկրների միջեւ իսկապես բարեկամական եւ խաղաղ հարաբերություններ հաստատելու համար:

Ռուսաստանի եւ Ճապոնիայի միջեւ երկար տարիներ հարաբերությունների զարգացումը խոչընդոտում է խաղաղ համաձայնագրի բացակայությունը: 1956 թվականին ԽՍՀՄ եւ Ճապոնիայի միջեւ ստորագրվել էր Համատեղ հռչակագիր, որում Մոսկվան համաձայնվել էր դիտարկել Ճապոնիային Խաբոմաի եւ Շիկոտան կղզիները փոխանցելու հնարավորությունը խաղաղ պայմանագիր կնքելուց հետո, իսկ Քունաշիրի եւ Իտուրուպի ճակատագիրը չէր հիշատակվում: ԽՍՀՄ-ը համարում էր, որ Համատեղի հռչակատիրը վերջ կտա վեճին, սակայն Ճապոնիան համարում էր այդ փաստաթուղթը միայն որպես խնդրի լուծման մաս՝ չհրաժարվելով բոլոր կղզիների վերադարձը պահանջելուց: