Փաշինյանի թիմը, որպես ԲԴԽ անդամ՝ առաջադրում է հնարավոր ամենանախկին, ամենակոռումպացված դատավորին. Ակցիայի մասնակից
Փաշինյանի թիմը, որպես ԲԴԽ անդամ՝ առաջադրում է հնարավոր ամենանախկին, ամենակոռումպացված դատավորին: Այս մասին, այսօր՝ հունվարի 22-ին, ԱԺ-ի դիմաց բողոքի ակցիայի ժամանակ հայտարարեց ակցիայի մասնակիցներից մեկը:
Նրա խոսքով, Նիկոլ Փաշինյանի կառավարման ամեն օրը հղի է նոր վտանգներով, Նիկոլ Փաշինյանը գործում է մեկ ձեռագրով՝ դավաճանել հայ ժողովրդին, եւ ջուր լցնել ադրբեջանական ջրաղացին:
«Նիկոլ Փաշինյանը պետական դավաճան է, նա սոսնձված է իր աթոռին: Նիկոլ Փաշինյանը վախենում է պատասխան տալ սեփական մեղքերի համար: Այսօր Նիկոլ Փաշինյանը եւս մեկ անօրինականություն է ուզում անել. Նրա նպատակը մեկն է՝ զավթել դատական իշխանությունը, որը դեռ մեր երկրում ունի անկախություն, շարունակում է գործել ի շահ ժողովրդի եւ պետության:
Նիկոլ Փաշինյանը 2,5 տարի օգտագործում էր «նախկին թալանչի» թեզը, իսկ այսօր իր թիմը որպես ԲԴԽ անդամ առաջադրում է հնարավոր ամենանախկին, ամենակոռումպացված դատավորին: Նպատակն է օգտագործել նրան դատարանների առաջ ճնշումներ իրականացնելու համար»,-ասաց ակցիայի մասնակիցը:
Հիշեցնենք, որ քաղաքացիները բողոքի ակցիա էին անում ԱԺ-ի դիմաց՝ ԲԴԽ անդամների ընտրության դեմ։ Նշենք, որ խորհրդարանն այսօր ընտրում է ԲԴԽ անդամների։ Քաղաքացիները նշում են, որ մեր երկրում կան ավելի առաջնային խնդիրներ, ինչպիսիք են գերիների վերադարձն ու զոհվածների մարմինները գտնելը։ Նշենք, որ ԲԴԽ անդամի թեկնածուներն են նախկին զինդատախազ Գագիկ Ջհանգիրյանը, եւ ՀՔԾ պետ Սասուն Խաչատրյանի եղբայր Արմեն Խաչատուրյանը:
Այն պատգամավորները, որ ճողոպրելով մտնում են ԱԺ, իրենք ո՞նց են քարոզարշավ անելու. Հայկ Մամիջանյան
Բողոքի ակցիա ԱԺ-ի մոտ՝ դատական համակարգը իշխող ուժի վերահսկողության տակ դնելու դեմ (Տեսանյութ)
Ազգային ժողովը արտահերթ նիստը. օրակարգում ԲԴԽ 2 անդամների ընտրությունն է (Տեսանյութ)