«Արարատ-Արմենիան» հրաժեշտ տվեց ևս մեկ լեգեոնականի

Հայիթին հավաքականի պաշտպան Ալեքս Ջունիոր Քրիստիանը հեռացել է Հայաստանի չեմպիոն «Արարատ-Արմենիայից»:

27-ամյա ֆուտբոլիստի և ակումբի միջև պայմանագրի ժամկետը լրացել է, և կողմերը համատեղ որոշել են չերկարաձգել այն, hաղորդում է ակումբի մամուլի ծառայությունը:

Ալեքսը 2019 թվականի ձմռանն էր միացել «Արարատ-Արմենիային», որի կազմում մասնակցել է 45 խաղի և դարձել 6 գոլային փոխանցման հեղինակ: Հայաստանում նա 2017-2019-ը հանդես է եկել նաև «Գանձասար-Կապանում»:

Հիշեցնենք, որ այս ձմռանը «Արարատ-Արմենիայից» հեռացել էին նաև Կաբո Վերդեի հավաքականի կիսապաշտպան Մաիլսոն Լիման, նիգերիացի հարձակվող Լուիս Օգանան և Հայաստանի երիտասարդական հավաքականի նախկին պաշտպան Արթուր Դանիելյանը: 22-ամյա Դանիելյանը միացել է Երևանի «Արարատին»: