на Русском
Մոսկվայի Չեխովի անվան գեղարվեստական ակադեմիակ... 
«Պայքարը շարունակելու ենք»․ Սուրեն Պետրոսյան ... 
Հաստատապես ինքնասպանություն է եղել, բայց ինքնասպանության հասցնողներ չունենք. ՔԿ փոխնախագահը՝ Կուտոյանի գործի մասին
Մենք չենք պնդել, որ ԱԱԾ նախկին տնօրեն Գեորգի Կուտոյանին հասցրել են ինքնասպանության, պնդել ենք, որ քրգործը հարուցվել է ինքնասպանության հասցնելու առերեւույթ դեպքի առթիվ, որովհետեւ այդ պահին այլ հոդվածով չէինք կարող գործ հարուցել: Այս մասին, այսօր՝ հունվարի 21-ին, կառավարության նիստից հետո լրագրողների հետ զրույցում ասաց ՀՀ քննչական կոմիտեի նախագահի տեղակալ-հատկապես կարևոր գործերի քննության գլխավոր վարչության պետ Արթուր Մելիքյանը:
«Նախաքննությունը շարունակվում է, այս պահին ինքնասպանության հասցնողներ չունենք, իսկ գործի հետ կապված, եթե հարազատները կդիմեն, որ տվյալներ հրապարակենք, մեծ սիրով կհրապարակենք»,-ասաց նա:
Հարցին, թե նոր հանգմանքներ այդ գործով ի հայտ եկե՞լ են, Մելիքյանը պատասխանեց. «Հաստատապես հիմնավորվել է, որ ինքնասպանության դեպք է տեղի ունեցել, ոչ միայն քննչական գործողություններիարդյունքներով, այլ նաեւ փորձաքննության արդյունքներով»:
Նա գործի վերաբերյալ տվյալներ չհրապարակելը պայմանավորեց հարազատների դիմելու փաստով. «Իսկ տեւողությունը պայմանավորված է քննչական գործողությունների ծավալով եւ փորձաքննությունների կատարման ժամկետներով»: Նա հաստատապես պնդեց, որ ինքնասպանություն է տեղի ունեցել:
