Թուրք-ադրբեջանական տանդեմն ընդլայնելու է իր եւ տնտեսական, եւ ժողովրդավարական հարձակումը մեզ վրա. Սեյրան Օհանյան
Շատ-շատ մեր հայրենակիցներ ուրախանում են, որ ապաշրջափակում է լինելու. իհարկե, եթե խաղաղության պայմանագիրը կնքված լինի, եթե հարթված լինեն մեր հարաբերությունները, ապա ապաշրջւափակումը տարածաշրջանում շատ լավ է, բայցվ այս իրականության մեջ ռազմական հաղթանակից հետո հակառակորդը, թուրք-ադրբեջանական տանդեմն ընդլայնելու է նաեւ իրենց եւ տնտեսական, եւ ժողովրդավարական հարձակումը, ազդեցությունը մեր վրա: Այս մասին, այսօր՝ հունվարի 19-ին, դատարանի դիմաց լրագրողների հետ զրույցում նշեց պաշտպանության նախկին նախարար Սեյրան Օհանյանը:
«Դրա շարունակությունն է նաեւ, կարծեմ Կարսի տարածքում թուրք-ադրբեջանական զորավարժությունները, որը հոգեբանական ազդեցություն է եւ մեզ վրա, եւ տարածաշրջանի այլ երկրների վրա: Հիշենք, որ այս տարածաշրջանը մոտ է նաեւ Վրաստանին: Նաեւ տաք պահելն է այդ ամենը, որ տեսեք, մենք ուժեղ ենք նաեւ Ռուսաստանի համար: Այնպես որ, ձախողումների, հետնահանջի այս շարունակականությունը մեզ մոտ անընդհատ լինելու է»,-ընդգծեց նա:
Նոյեմբերի 9-ի հայտարարության մեջ պայմանավորվածություն է ձեռք բերվել, որ պետք է կանգնեն այն տեղերում, որտեղ ժամանակավոր հրադադար է համաձայնեցվել. դա և՛ Արցախի հատվածում է, և՛ Հայաստանի հատվածում, շեշտում է Օհանյանը:
«Երկրորդ, դելիմիտացիա, դեմարկացիա իրականացնում են այն դեպքում, երբ պայմաններ կան: Այդ պայմանները պետք է լինեն խաղաղության պայմաններ: Այսինքն հարեւան պետության հետ պետք է պայմանավորվածություն ձեռք բերեն եւ այդ ամենը իրականացվում է խառը, համատեղ հանձնաժողովների միջոցով: Այստեղ երկու հանգամանք կա, որոնց պետք է շեշտադրում կատարենք: Նախ, չկան այդ պայմանները, որ մենք հստակ նշենք, եւ չկան այդ սահմանները, որոնք հստակ ընդգծված են:ԽՍՀՄ տարբեր քարտեզներ են իրենք ներկայացնում, որտեղ տարբեր դրություն է ընդգծված: Երկրորդ, մենք պետք է հասկանանք, որ այնտեղ, որտեղ կանգնեց զինվորը, դրվեց զինվորի ոտքը, հետագայում դելիմիտցիայի եւ դեմարկացիայի ժամանակ շատ դժվար է լինելու բանակցել եւ պարտադրելու, որ նրանք հետ քաշվեն սահմանի այս կամ այն հատվածում»,-ասաց նա: