Արտակարգ դեպք Երևանում. Մի քանի անգամ ինքնասպանության փորձ կատարած տղամարդը փորձում էր Կիևյան կամրջից ցած նետվել

Այսօր՝ հունվարի 16-ին, արտակարգ դեպք է տեղի ունեցել Երևանում: Աս մասին հայտնում է SHAMSHYAN.com-ը:

Ժամը 17:30-ի սահմաններում, Արտակարգ իրավիճակների նախարարության Փրկարար ծառայության 911 և ոստիկանության Երևան քաղաքի վարչության օպերատիվ կառավարման կենտրոնններ ահազանգ է ստացվել, որ մի քաղաքացի անցել է Կիևյան կամրջի վտանգավոր եզրագիծը և սպառնում է ցած նետվել:

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են ԱԻՆ ՓԾ թիվ 7 հրշեջ-փրկարարական ջոկատը և ԱԻՆ հոգեբանության աջակցության բաժնի հոգեբանը:

Ժամանել է նաև ոստիկանության Մաշտոցի բաժնի օպերատիվ խումբը՝ օրվա պատասխանատու հերթապահի գլխավորությամբ: Տևական ժամանակ ԱԻՆ-ի հոգեբանը և ոստիկանության ծառայողները համոզել են այդ քաղաքացուն, որպեսզի նա չդիմի ծայրահեղ այդ միջոցին:

Փրկարար-հոգեբանին և ոստիկանության ծառայողներին հաջողվել է համոզել և նրան դուրս են բերել անվտանգ վայր, ով տեղափոխվել է ոստիկանության Մաշտոցի բաժին:

Փաստի առթիվ նշված բաժնի հետաքննչական բաժանմունքում նյութեր են նախապատրաստվում: Գ. Շամշյանի տեղեկություններով, այդ քաղաքացին մի քանի անգամ նմանատիպ փորձ արած Վաղինակ Ա.-ն է: