ԱՄՆ Ներկայացուցիչների պալատն ընդունեց Թրամփին պաշտոնանկ անելու բանաձևը. պատմության մեջ առաջին անգամ ԱՄՆ նախագահն իմփիչմենթի ենթարկվեց երկրորդ անգամ. CNN (տեսանյութ, լուսանկարներ)
ԱՄՆ Ներկայացուցիչների պալատը երեկ մեր ժամանակով գիշերն անց ձայների մեծամասնությամբ ընդունել է երկրի գործող նախագահ Դոնալդ Թրամփին պաշտոնանկ անելու վերաբերյալ դեմոկրատների ներկայացրած բանաձևը:
Ինչպես հայտնում է CNN-ը՝ Թրամփի իմփիչմենթի մասին բանաձևն ընդունվեց 232 կողմ և 197 դեմ ձայներով: Թրամփին պաշտոնանկ անելու օգտին քվեարկել են նաև թվով 10 հանրապետական օրենսդիրներ: Խոսքը հանրապետականներ Դեն Նյուհաուսի (Վաշինգտոն), Ջոն Կատկոյի (Նյու Յորք), Ջեյմի Հերրերա Բեիթլերի (Վաշինգտոն), Ադամ Քինցինգերի (Իլինոյս), Ֆրեդ Ափթոնի (Միչիգան), Լիզ Չեյնիի (Վայոմինգ), Փիթեր Մեյերի (Միչիգան) մասին է, որոնց անունները հրապարակվել էին ավելի վաղ:
Դոնալդ Թրամփի պաշտոնանկության օգտին քվեարկել են նաև հանրապետականներ Էնթոնի Գոնսալեսը (Օհայո), Թոմ Ռայսը (Հարավային Կարոլինա) և Դեյվիդ Վալադաոն (Կալիֆոռնիա):
01:27
CNN-ի հաղորդմամբ՝ բավական թվով օրենսդիրներ քվեարկել են Թրամփին իմփիչմենթի ենթարկելու օգտին: Ընդհանուր առմամբ, այս պահի դրությամբ Թրամփին պաշտոնանկ անելու օգտին քվեարկել է Ներկայացուցիչների պալատի 217 անդամ, որոնցից 208 դեմոկրատ և 9 հանրապետական: Բանաձևին դեմ է քվեարկել 192 հանրապետական օրենսդիր:
Առաջարկված բանաձևով Թրամփին մեղադրանք է առաջադրվում «ապստամբության հրահրում» հոդվածով:
01:15
ԱՄՆ Կոնգրեսում երկրի գործող նախագահ Դոնալդ Թրամփի իմփիչմենթի հարցի շուրջ մի քանի ժամ տևած քննարկումն ավարտվել է, և Ներկայացուցիչների պալատն այժմ քվեարկում է դեմոկրատների ներկայացրած բանաձևի շուրջ: Այս մասին հայտնում է CNN-ը:
Նշվում է, որ քվեարկության դրված բանաձևը Թրամփին կդարձնի ԱՄՆ պատմության մեջ առաջին նախագահը, որը իմփիչմենթի է ենթարկվում երկրորդ անգամ Կապիտոլիումի վրա հարձակման գործում իր ունեցած դերի համար:
Ակնկալվում է, որ քվեարկությունը կտևի 60-ից 90 րոպե, իսկ բանաձևը կընդունվի երկկուսակացական արագ քվեարկությամբ:
Մինչ այժմ առնվազն յոթ հանրապետականներ ասել են, որ կքվեարկեն իմպիչմենթի դեմ՝ կոնգրեսական Դեն Նյուհաուսը (Վաշինգտոն), Ջոն Կատկոն (Նյու Յորք), Ջեյմի Հերրերա Բեիթլերը (Վաշինգտոն), Ադամ Քինցինգերը (Իլինոյս), Ֆրեդ Ափթոնը (Միչիգան), Լիզ Չեյնին (Վայոմինգ), Փիթեր Մեյերը (Միչիգան):