на Русском
Արջերի խաղը՝ Հայաստանի լեռներում
Մեկ շաբաթում Սևանից 303 հատ ապօրինի խեցգետնաո... 
Ապաշրջափակման թիվ մեկ շահառուն Հայաստանն է, այն մեր երկրում տնտեսական զարգացում կբերի. Վիկտոր Ենգիբարյան
Կարևոր է, որ Ռուսաստանի Դաշնությունը գերիների հարցով մեզ հետ համախոհ է և 8-րդ կետի վրա հստակ շեշտադրում արվեց, գործընթացը տեղի ունենում, բայց դեռևս վերջնական արդյունքների չենք հանգել: Այս մասին Հանրային Հեռուստատեսության եթերում ասել է «Իմ քայլը» խմբակցության պատգամավոր Վիկտոր Ենգիբարյանը՝ անդրադառնալով գերիների վերադարձի հարցին:
«Շեշտադրում է արվել, որ սա մեզ համար կարևորագույն հարց է և հույս ունենք, որ իրենց կողմից այդ քայլը առաջիկայում կիրականացվի, մեր կողմից էլ չեն ստեղծվի խոչընդոտներ՝ հայտարարությունը շարունակելու իմաստով: Ապաշրջափակման գործընթացը չի կարող տեղի ունենալ փոխադարձ ռազմաշունչ հռետորաբանությամբ կամ գերիների առկայությամբ: Հույս ունենք, որ գերիների հարցը կլուծվի, գիտենք, որ ԱԱԾ տնօրենն էլ հանդիպեց այնտեղի պաշտոնակցի հետ, այնպես որ մեր կողմից ամեն ինչ արվում է»,- նշեց նա:
Ենգիբարյանի խոսքով՝ Հայաստանը շրջափակված է, ինչի պատճառով բոլոր ռեգիոնալ մեգանախագծերը շրջանցում են Հայաստանը, և ըստ նրա՝ դա ևս նպաստում է մեր երկրում աղքատությանը և արտագաղթին:
«Ադրբեջանը այս երեսուն տարիների ընթացքում իրականացրել է հյուծման քաղաքականություն, փակել սահմանները՝ թույլ չտալով, որ Հայաստանը զարգանա: Սա հանգեցրել է այսօրվա ընթացքին, և հիմա, երբ ապաշրջափակմանը վերջ է դրվում, իմ կարծիքով, թիվ մեկ շահառուն Հայաստանի Հանրապետությունն է, այն կբերի մեր երկրում տնտեսական զարգացման: Այդ տնտեսական զարգացումը պետք է նպաստի հարատև խաղաղությանը»,- ասաց նա:
