на Русском
Շուշիի Կանաչ ժամ եկեղեցին ավերելով՝ Ադրբեջանը... 
Մայիսի 1-ից տեսանկարահանող կամ լուսանկարահանո... 
Մենք բոլորս ուզում ենք ապրել ազատ, բայց ես վախենում են տգետի ազատությունից, ստահակի ազատությունից. Լեւոն Գալստյան
Հայաստանի հենարարներն այսօր խարխուլ են, այսօր մեր հենարարները գտնվում են մոլորյալ, թափառ վիճկում: մենք այսօր պարտավոր ենք ձեւակերպել այն գլխավոր գաղափարը, որը կտա հարատեւման երաշխիք. իմ կարծիքով, դա անվտանգությունն է: Այս մասին, այսօր՝ հունվարի 12-ին, Մշակույթի գործիչների «Ձայն հայրենյաց» նախաձեռնության մեծ հավաքի ժամանակ նշեց կինոդրամատուրգ Լեւոն Գալստյանը:
«Պատերազմը ծանր հարված հասցրեց մեզ, մենք շոշափեցինք վտանգւի մարմինը եւ որպեսզի այսուհետեւ զերծ մնանք դրանից, պետք է ձեւակերպենք, թե ինչ անվտանգության մասին է խոսքը: Դա պետք է լինի բոլորիս համախմբող մի կարեւոր նպատակ, որի շուրջ կանգնած են լինելու երկու կարեւոր գհաղափարներ՝ ազատություն եւ արդարություն:
Մենք բոլորս ուզում ենք ապրել ազատ, բայց ես վախենում են տգետի ազատությունից, ստահակի ազատությունից, իմ ազգային արժեքները տրորող, մակերեսային, ծանծաղամիտ խոսքերից, կրքերը որպես արժեքներ ներկայացնող այդ ամենից, ձեւը բովանդակության տեղ անցկացնողներից: Ես ուզում եմ, որ լինի ուժեղ, մտածող, քննադատող պահանջկոտ, գիտակից մարդկանց ազատություն: Եվ ամեն ինչ կընկնի տեղը, հանրությունը կլինի արդար»,-ասաց նա:
