«Դա նման է նրան, երբ 2 եղբայր վիճում են, բայց վաղ, թե ուշ նստում, մի բաժակ խմում և պայմանավորվում են». Ուկրաինայի նախկին վարչապետը կարծում է, որ Կիևի ու Մոսկվայի հարաբերությունները կկարգավորվեն
Ուկրաինայի նախկին վարչապետ Նիկոլայ Ազարովը կարծում է, որ Կիևի ու Մոսկվայի հարաբերությունները վաղ թե ուշ կկարգավորվեն:
«Վաղ թե ուշ մենք ստիպված կլինենք կարգավորել մեր հարաբերությունները Ռուսաստանի հետ: Վաղ թե ուշ մենք պետք է համաձայնության գանք»,-ասել է Ազարովը Strana.ua- ին տված հարցազրույցում:
Նրա խոսքերով՝ Ուկրաինան և Ռուսաստանը ունեն բազմաթիվ բարեկամական, տնտեսական և մշակութային կապեր, որոնք ուկրաինական իշխանությունները չեն կարողացել խզել:
«Դա նման է նրան, երբ երկու եղբայր վիճում են, բայց վաղ, թե ուշ նստում, մի բաժակ խմում և պայմանավորվում են, մեկընդմիշտ մոռանում են վիճաբանությունը փոխընդունելի սկզբունքների հիման վրա: Կարծում եմ, որ դա վաղ, թե ուշ կլինի»,-ասել է Ազարովը:
Ռուսաստանի և Ուկրաինայի հարաբերությունները սրվել են 2014 թվականից` Դոնբասում սկսված պատերազմի հետևանքով: