Փաշինյանի հանձնարարությամբ դոսյեներ են կազմվել պատգամավորների վրա և հիմա շանտաժով է պահվում «Իմ քայլը».Միքայել Մինասյան

Ինչպես արդեն քիչ առաջ նշել էինք, երեկ երեկոյան հերթական «լայվով է» հանդես եկել Վատիկանում ՀՀ նախկին դեսպան Միքայել Մինասյանը:

Նիկոլ Փաշինյանը եկավ իշխանության շանտաժով, շանտաժով վարեց արտաքին քաղաքականությունը, շանտաժով վարեց ներքին քաղաքականությունը եւ հիմա շանտաժով պահում է իր թիմը: Այս մասին «Քաղաքականության մահը. ցավը իմաստավորելու համար պետք է երազանք» վերնագրով լայվում ասել է նա:

«Նիկոլ Փաշինյանը եկավ իշխանության շանտաժով։ Շանտաժով վարեց արտաքին քաղաքականությունը, շանտաժով վարեց ներքին քաղաքականությունը եւ հիմա շանտաժով պահում է իր թիմը, որովհետեւ Նիկոլ Փաշինյանը շատ լավ տեսնում է, որ իր թիմը պայթելու եզրին է, որովհետեւ այդ թիմում, չնայած որ կան վիժվածքներ, դավաճաններ, անասուններ, ապուշներ, մի քիչ նաեւ նորմալ մարդիկ, այդ մարդիկ հասկանում են՝ ինչ է կատարվում, այդ մարդիկ գնում են տուն, այդ մարդկանց փողոցներում ձվերով խփում են,այդ մարդկանց պիտակավորում են, այդ մարդկանց մեղադրում են եւ այդ մարդկանց խանութներում ասում են, որ բալիկ ջան, քո պապան դավաճան եւ մարդասպան է։ Եւ այդ մարդիկ չեն ուզում Նիկոլի հետ շարունակել գնալ դեպի գերեզման, դեպի անդունդ։ Բայց Նիկոլ Փաշինյանը նրանց պահում է, որովհետեւ բոլորի վրա ունի շանտաժային նյութեր։ Երբ Նիկոլ Փաշինյանը դարձավ Հայաստանի վարչապետ, առաջին բանը, որը նա պահանջեց, դոսյեները այն մարդկանց, որոնք ԱԱԾ-ի գործակալներ էին, եւ որոնց հետ ինքը առնչվում էր։ Այլ բառերով ասած՝ նա պահանջեց, որ ԱԱԾ-ն իրեն զեկուցի, թե ովքեր էին իր շրջապատում գործակալներ։ ԱԱԾ ղեկավարությունը հրաժարվեց եւ մինչեւ այսօր չի տվել, բայց ԱԱԾ-ում կային եւ կան թուլամորթ մարդիկ, միջին օղակի սպաներ, որոնք փոխանցել են Նիկոլ Փաշինյանին այդ փաթեթները, եւ Նիկոլ Փաշինյանը դրանից հետո սկսել է կանչել այդ մարդկանց, դնել փաթեթները նրանց դիմաց՝ ասելով, որ տեսնում ես, որ ես գիտեմ, քեզ խայտառակ կանեմ, քեզ կհանեմ ազգի, պետության դավաճան, կամ էլ ժամանակավոր մոռանում ենք սրա մասին, ծառայիր ինձ, մոռացիր արժանապատվության մասին, մոռացիր հայրենիքի մասին։ Եւ այդպիսի մարդիկ կան։

Նիկոլ Փաշինյանը այս 2,5 տարիների ընթացքում հավաքեց մի մեծ հավաքածու, որովհետեւ իմքայլականները, որոնք մինչեւ կոկորդները մխրճվեցին կոռուպցիայի մեջ, Նիկոլ Փաշինյանը անշուշտ աչք էր փակում, բայց ինֆորմացիան հավաքում էր։ Եվ այդպես կան բազմաթիվ քրեական գործեր, որոնք կա՛մ ընթացքում են, կամ նյութեր են նախապատրաստվում, կա՛մ կան փաստեր։ Օրինակ, քրեական գործ կա փոխվարչապետ Մհեր Գրիգորյանի վրա, եւ այդ պատճառով Մհեր Գրիգորյանը փորձեց աշխատանքից ազատվել, երբ հասկացավ, որ նա արդեն մաս է կազմում դավաճան կառավարության, Նիկոլը ասաց՝ կդատեմ ու կնստես, եւ Մհեր Գրիգորյանը, քանի որ նաեւ վախկոտ է, չգնաց դրան։ Քրեական գործ կա Սուրեն Պապիկյանի վրա, որովհետեւ նա մասնակցել է իր տեղակալի եւ տեղակալի հոր միջոցով, քանի որ հայրը տենդեր էր շահել, ասֆալտային ատկատների մեջ։ Համակարգ էին սարքել, միայն մեկ գործարքից Սուրեն Պապիկյանը 450 միլիոն դրամ գումար է վերցրել։ Բոլորի վրա կա քրեական գործ, նույնիսկ կորած աներձագ Հրաչի, որովհետեւ Հրաչը, երբ հիմար բաներ էր գրում՝ պաշտպանելով Նիկոլ Փաշինյանին, լավ, Հրաչը ապուշ է, բայց այդքան ապուշ չի․․․ Հակոբ Սիմիդյանը, դիջեյ Էդոն (Էդուարդ Աղաջանյան), քրեական գործով են երեքով անցնում, որտեղ Նիկոլ Փաշինյանի առանձնատունը ժողովրդի հաշվին վերանորոգելով 210 միլիոն դրամ ատկատ էր գնացել։

Նիկոլ Փաշինյանը հանձնարարել է ԱԱԾ-ին եւ այս 2,5 տարիների ընթացքում դոսյեներ են կազմվել ԱԺ «Իմ քայլը» խմբակցության պատգամավորների վրա, եւ բոլոր նրանք, ովքեր ասում էին, որ ուզում են գնալ, Նիկոլը կանչում էր, ասում՝ այս դո՞ւ չես այս վիդեոյում, դո՞ւ չես այս ձայնագրության մեջ, դե գնա ու խելոք սպասի՝ երբ, ինչ է պետք անել։ Դա է Նիկոլ Փաշինյանի ոճը, դա է Նիկոլ Փաշինյանը, Նիկոլ Փաշինյանը պատիժ է նաեւ նրանց համար»,-ասաց նա։