ԱՄՆ կառավարությունն իրավական ​​գործընթաց է սկսել թուրքական հաքերական խմբի դեմ

ԱՄՆ կառավարությունն իրավական ​​գործընթաց է սկսել ԱՄՆ-ում թուրքական Ayyıldız Team հաքերային խմբի դեմ, հայտնում է IndyTurk-ը:

ԱՄՆ կառավարությունը հայց է ներկայացրել Նյու Յորքի Հարավային շրջանի շրջանային դատարան` Facebook, Instagram, Twitter եւ Google ընկերություններից պահանջելով բացահայտել խմբի էջերի մանրամասները սոցիալական ցանցերում:

Haber7-ը հայտնել է, որ ԱՄՆ կառավարությունը մեղադրում է խմբին «ԱՄՆ-ի դեմ կիբերպատերազմ վարելու» մեջ: Ayyıldız Team-ի գլխավոր մենեջեր Մեհմեթ Իսհաքը պատասխանել է, որ «դրա հետեւում կանգնած են նաեւ FETO ահաբեկչական կազմակերպության անդամները, ովքեր փախել են ԱՄՆ»:

Ըստ հաղորդումների` Հունաստանը հունիսին 80 հաքեր էր վարձել` Ayyıldız Team-ի կողմից սպառնալիքներին դիմակայելու համար, որը, ինչպես նշվում է, հիմնադրվել է 2002 թվականին Նոր Զելանդիայում եւ այժմ մասնաճյուղեր ունի ամբողջ աշխարհում:

Խումբն ակտիվացրել էր իր գործունեությունը դեկտեմբերի 17-25-ին իսլամական քարոզիչ Ֆեթուլլահ Գյուլենի հետեւորդների, ինչպես նաեւ ընդդիմության այլ գործիչների դեմ կոռուպցիոն գործերից հետո: Կազմակերպությունը կոտրում էր ընդդիմության գործիչների եւ քննադատորեն տրամադրված լրագրողների էլ.փոստերը եւ էջերը սոցցանցերում` նրանց անձնական հաղորդագրությունները տեղադրելով սոցցանցերում Ayyıldız Team-ի էջերին: Ayyıldız Team-ի` մեծ թվով հետեւորդներով թվիթերյան էջերն անընդհատ արգելափակվում են:

Խմբի գործողություններն ընդդիմության գործիչների դեմ բարձր գնահատականի են արժանացել պետական ​​պաշտոնյաների, ինչպես նաեւ թուրքամետ կառավարական լրատվամիջոցների կողմից: Ներկայումս Ayyıldız Team-ի ֆեյսբուքյան էջը լցված է Թուրքիայի հետախուզական կազմակերպության գովազդներով եւ դրա ղեկավար Հաքան Ֆիդանի հասցեին գովեստներով: Խումբը հերքում է ցանկացած պաշտոնական կապ Թուրքիայի կառավարության հետ:

Gulf Today-ը հայտնել է, որ խումբը «2019 թվականին կոտրել էր բոլիվուդյան դերասան Ամիթաբհա Բաչանի թվիթերյան էջը»: MyNation հնդկական լրատվական կայքը հայտնել էր, որ հաքերները «թիրախավորում են բարձրաճաշակ օգտատերերին, ովքեր երկրպագուների ուժեղ բազա ունին, որպեսզի իրենց հաղորդագրությունները լայն տարածում ստանան»: