«Մենք ուղղելու ենք մեր մեջքը եւ առաջ շարժվենք։ Ուժ, կորով, բժշկություն մեր վիրավոր զինվորներին, թող շուտ տուն դառնան գերության մեջ գտնվող մեր տղերքը»․ Դիանա Գրիգորյան

Սցենարիստ, պրոդյուսեր, հաղորդավարուհի Դիանա Գրիգորյանն իր Instagram-ի իր էջում նոր գրառում է կատարել․

«Վերջ, վե՞րջ, ավարտվե՞ց արդյոք, վերջ ինչի՞ն, տարու՞ն, մեր տանջանքերի՞ն, համավարակի՞ն, պատերազմի՞ն, վերջ ինչի՞ն։

2020... փաստորեն կյանքում ամեն սիրուն բան իրականում կործանարար է... տոնում ենք, ժպտում, պատրաստվում, ինչի՞ն, նոր աղետի՞ն, նոր պատերազմի՞ն, նոր զոհերի՞ն, չէէէէ, չէէէէ, միգուցե պատրաստվում ենք կրկի՞ն մահանալ, միգուցե երանի՞ ենք տալիս նրանց, ովքեր մեզ հետ չեն, միգուցե...

Տղերքը գնացին մեզ համար, տղերքը գնացին հայրենիք բառը շուրթերին, տղերքը հող դարձան հողի համար, իսկ մենք շարունակում ենք տոնել, խմել, ուտել, գնել, ժպտալ... ԱՊՐԵԼ... հանուն... այստեղ դժվարանում եմ շարունակել հանուն... Աստված օգնիր հանուն ինչի... չէ վատատես չեմ, ուղղակի վերքերն են շատ խորը ու դեռ խորանալու վտանգ կա... մենք դանդաղ փորում ենք մեր փոսը, որ հետո չնեղվենք նեղությունից... Այս տարին մեզնից տարավ մեր հոգին, մեր սիրտը, մեր գույնը, մեր խիղճը, ՄԵԶ...

Տղերք շնորհակալ ենք... Տղերք կներեք, Տղերք խոնարհվում ենք... Տղերք խոստանում ենք հանուն Ձեզ , այո ես գտա , ես ստացա իմ հարցի պատասխանը հանուն ՁԵզ պետք է ապրել , պետք է պայքարել , պետք է շենացնել, պետք է պաշտպանել մեր հողի ամեն մի թիզը, Տղերք հանուն ՁԵզ պետք է ծաղկացնենք..., հանուն ՁԵզ պետք է լինենք մեր հերոս եղբայրների կողքին, ովքեր մեր ջերմության, ուշադրության և ուժի կարիքն ունեն:

Մենք ուղղելու ենք մեր մեջքը և առաջ շարժվենք։ Ուժ, կորով և բժշկություն մեր վիրավոր զինվորներին, թող շուտ տուն դառնան գերության մեջ գտնվող մեր տղերքը։

Մենք ԼՈՒՌ աշխարհին շատ բան ունենք ապացուցելու...

Մենք կշարունակենք ԱՊՐԵԼ... Մենք Հայ ենք և մենք երկար պատմություն ունենք ու դեռ կերտելու ենք մեր հաղթական պատմությունը 2021-ից սկսած։

Դե՛, առաջ դեպի նոր պատմություն...», - գրել է Դիանա Գրիգորյանը։

Լուսանկարը և գրառումը՝ այստեղ: