Նավթը փոքր-ինչ էժանացել է. 2020 թվականին ոսկին թանկացել է ավելի քան 20 տոկոսով

Նավթի համաշխարհային գները փոքր-ինչ նվազել են հինգշաբթի առավոտյան, վկայում են վերջին տվյալները: Տարեսկզբին գներն ընկել էին 20 տոկոսով կորոնավիրուսի համավարակի ֆոնին՝ փոքր-ինչ վերականգնվելով տարեվերջին «պատվաստանյութերի» լավատեսության հիման վրա:

Brent ապրանքատեսակի նավթի՝ մարտին գրանցված ֆյուչերսների գինը նվազել է 0.12 տոկոսով՝ հասնելով մեկ բարելի դիմաց 51,57 դոլարի, WTI-ի համար փետրվարյան ֆյուչերսները՝ 0,12 տոկոսով՝ հասնելով մեկ բարելի դիմաց 48,34 դոլարի: Տարեսկզբից արժեքորոշումն ընկել էր միջինում 21 տոկոսով:

Ոսկի

Անցնող տարվա վերջին օրը ոսկու գինը բարձրացել է: Ընդ որում՝ անցնող տարում թանկարժեք մետաղի արժեքն ընդհանուր առմամբ բարձրացել է ավելի քան 20 տոկոսով՝ գրանցելով ռեկորդային աճ վերջին տասնամյակում, հաղորդում է «Փրայմ»-ը:

Նյու Յորքի բորսայում ոսկու փետրվարյան ֆյուչերսի գինն աճել է 0.02 տոկոսով կամ 0.45 դոլարով՝ հասնելով տրոյական ունցիայի դիմաց 1893,75 դոլարի: Մարտին արծաթի ֆյուչերսը թանկացել է 0.14 տոկոսով՝ հասնելով մեկ ունցիայի դիմաց 26,605 դոլարի:

Ոսկին չափավոր թանկանում է՝ սկսած այս շաբաթից: Ընդ որում՝ տարվա ցուցանիշների արդյունքում թանկարժեք մետաղի գինը բարձրացել է 21.7 տոկոսով: Այդ աճը ռեկորդային է՝ սկսած 2011 թվականից:

Հունվարին թանկարժեք մետաղի գինը գտնվում է մեկ ունցիայի դիմաց 1600 դոլարի նշի վրա: Մարտից հուլիս այդ ցուցանիշները կտրուկ աճել են կորոնավիրուսի առաջին ալիքի ժամանակ, եւ օգոստոսի սկզբում հասել 2069,4 դոլարի՝ գերազանցելով պատմական ռեկորդը:

Ընդ որում՝ ԱՄՆ Դաշնային պահուստային համակարգն ու Անգլիայի բանկը մարտին երկու անգամ անսպասելիորեն նվազեցրել է առանցքային դրույքաչափը: Դա նպաստել է դոլարի փոխարժեքի նվազեցմանը, ինչի արդյունքում թանարժեք մետաղն էլ ավելի էր թանկացել:

Պղինձը փոքր-ինչ էժանացել է տարվա վերջին օրը

Հինգշաբթի՝ 2020 թվականի վերջին օրը, պղնձի արժեքը փոքր-ինչ նվազել է, ընդ որում՝ տարեսկզբից այդ մետաղը թանկացել էր մեկ քառորդով, վկայում են առկա տվյալները, հաղորդում է «Փրայմ»-ը:

Comex բորսայում մարտին պղնձի ֆյուչերսների արժեքը նվազել էր 0.32 տոկոսով՝ հասնելով մեկ ֆունտի (շուրջ 0,45 կիլոգրամ) դիմաց 3,5332 դոլարի: Տարեսկզբից գինն աճել է 24,8 տոկոսով:

Չորեքշաբթի Լոնդոնի՝ մետաղների բորսայում (LME) երեք ամիս հետո մատակարարման պայմանով մեկ տոննա պղնձի գինը նվազել է 0,15 տոկոսով՝ հասնելով 7847,5 դոլարի, ալյումինի գինն աճել է 0,43 տոկոսով՝ հասնելով 1999,5 դոլարի, ցինկի գինը բարձրացել է 0,81 տոկոսով՝ հասնելով 2784,5 դոլարի մեկ տոննայի դիմաց: