Կարմիր ծովում Սաուդյան Արաբիային պատկանող առևտրային նավ է խոցվել

Ուրբաթ օրն արաբական կոալիցիան հայտարարել է, որ Կարմիր ծովի հարավային մասում ծովային ականը խոցել է մի առևտրական նավ, հայտնում է almasdarnews.com լրատվական գործակալությունը:

Սաուդյան Արաբիայի «Ալ-Իխբարիա» պաշտոնական հեռուստաալիքի կողմից հրապարակված հայտարարության մեջ՝ արաբական կոալիցիան նշել է, որ ծովային ականը տեղադրվել է Եմենի հութիական «Անսարալլահ» շարժման կողմից:

Ինչպես տեղեկացրել է Սաուդյան Արաբիայի գլխավորած կոալիցիան, ծովային ականը նյութական վնաս է հասցրել նավին՝ առանց մարդկային կորուստներ պատճառելու:

Կոալիցիայի հայտարարության մեջ ասված է. «Հութիները շարունակում են ծովային ականներ տեղադրել ծովի հարավային շրջաններում և Բաբ ալ-Մանդաբում, ինչը կարող է սպառնալ ծովային նավարկությանը տարածաշրջանում»:

Ավելի վաղ կոալիցիան հայտարարել էր, որ ոչնչացրել է մի շարք ծովային ականներ, որոնք տեղադրվել էին հութիների կողմից, վերջին օրվա ընթացքում:

«Վերջին քսանչորս ժամվա ընթացքում հայտնաբերվել են իրանական արտադրության ականներ», - ասվում է հայտարարության մեջ՝ առանց դրանց գտնվելու վայրի մասին այլ մանրամասներ հաղորդելու:

Կոալիցիան հավելել է, որ ոչնչացրել է 175 ծովային ական, որոնք տեղադրվել են հութի զինյալների կողմից:

Նշենք, որ 2015 թվականի մարտից Սաուդյան Արաբիան գլխավորում է արաբական և իսլամական երկրների ռազմական դաշինքը՝ ի պաշտպանություն Եմենի կառավարության՝ մայրաքաղաք Սանաան վերականգնելու և Հյուսիսային ու Արևմտյան Եմենի հսկայական տարածքները վերականգնելու իր ջանքերին, որոնք 2014 թվակնի վերջից անցել են հութիների վերահսկողության տակ: