ՀՀ կառավարությունը «Տոյոտա Լանդ Կրուիզեր» մակնիշի շտապօգնության մեքենաներ նվիրաբերեց Արցախին
ՀՀ կառավարությունը իր այսօրվա՝ դեկտեմբերի 24-ի նիստում որոշում կայացրեց, որով «Տոյոտա Լանդ Կրուիզեր» մակնիշի 5 շտապօգնության մեքենա կնվիրաբերի Արցախին:
«ՀՀ-ում ռազմական դրությամբ պայմանավորված 2020թ. պետական բյուջեի 1229 ծրագրի միջոցառման շրջանակում Առողջապահության նախարարությունը ձեռք է բերել 30 Տոյոտա Լանդ Կրուիզեր մակնիշի շտապօգնության մեքենաներ, ինչպես նաև նվիրատվությամբ ստացվել է 12 Տոյոտա Լանդ Կրուիզեր մակնիշի շտապօգնության մեքենաներ: Նախագծով առաջարկվում է շտապօգնության մեքենաներից հինգը նվիրաբերել Արցախի Հանրապետությանը»,- ասված է նախագծի հիմնավորման մեջ:
Մյուս 37 մեքենան կամրացվի Առողջապահության նախարարության հաշվեկշռին` դրանք հետագայում նպատակային նշանակությամբ տնօրինելու նպատակով: