Արձակուրդ եկած զինվորներին երեկ չեն թողել ուղեւորվել Արցախ. Գեղամ Մանուկյանը դիմեց Օնիկ Գասպարյանին

Այս շենքում գտնվող կառավարության անդամներ, դուք ամբողջ կազմով հիմա ՀՀ ու Արցախի ազգային անվտանգության համար մեծագույն վնաս եք: Այս մասին այսօր՝ դեկտեմբերի 24-ին, Նիկոլ Փաշինյանի հրաժարականի պահանջով բողոքի ակցիայի ժամանակ հայտարարեց ՀՅԴ անդամ Գեղամ Մանուկյանը։

«Ալիեւը երեկ Իշխանաձորում էր՝ ձեր ասած Հայաստանի սահմանների մոտ էր կանգնած, Հայաստանի սահմանները շատ ավելի լայն էին, Նիկոլը այդ սահմանները փակեց, բերեց մինչեւ Սյունիքի գյուղեր»,- հայտարարեց նա:

Նա դիմեց ուժային կառույցներին, ԳՇ-ին եւ ԳՇ պետ Օնիկ Գասպարյանին. «Պարոնա՛յք ոստիկաններ, Ազգային անվտանգության պարոնա՛յք սպաներ, եւ վերջապես այսքան տարի մեր փայփայած, մեր մեծագույն արժեք համարված ՀՀ ԶՈ՛ւ, այդ թվում՝ իմ ու հարյուր հազարավոր մեր քաղաքացիների համար պաշտված, հարգված ԳՇ պե՛տ, ԳՇ մեր բանակի բարձրագույն զինվորական կա՛զմ, դիմում եմ բոլորիդ, քանի վայրկյան ավել Նիկոլ Փաշինյանը մնա վարչապետի աթոռին, մեր երկիրն ավելի անպաշտպան է դառնում»,- ասաց նա:

Նա դիմեց անձամբ Օնիկ Գասպարյանին. «Գեներալ-լեյտենանտ Օնի՛կ Գասպարյան, սիրելի՛ եղբայր, արձակուրդ եկած զինվորները երեկ ուղեւորվում էին Արցախ, սակայն նրանց թույլ չեն տվել շարունակել իրենց ճանապարհը եւ դիրքերում կանգնել, ստիպված վերադարձել են Սիսիանի զորամաս, սա վտա՞նգ է մեր ազգային անվտանգությանը, մեր դիրքերը դատարկվում են, որովհետեւ այս կառավարության շենքում նստած է մի անմեղսունակ, որը չի կարողանում որեւէ քաղաքական հարց լուծել: Ձերն է քայլը, Դուք պետք է որոշեք, գործի անցնեք, Ձեր պարտականությունը կատարեք, սպայի, գեներալի պատիվը պահեք, միացեք ժողովրդին, այս անմեղսունակին ասեք՝ հեռանա»,- ասաց նա:

Ոստիկանական խիտ պատնեշից այն կողմ. Փաշինյանն անվրդով կառավարության նիստ էր անցկացնում

Նիկոլ Փաշինյանը պետական սահմանները շփոթում է վարչական տարածքների հետ և փորձում է մոլորության մեջ գցել մարդկանց. Հրանտ Մելիք-Շահնազարյան

«Ոստիկաններն էլ հայ տղամարդիկ են, որոնց թուրք ասել չի կարելի». ոստիկանության գնդապետ. Ամոթի վանկարկումներ կառավարության շենքի մոտ

Իշխանության և ՀՀԿ-ի տարբերությունն այն է, որ այս իշխանությունը սերմանել է ատելություն․ Դավիթ Հարությունյան

Իշխանությունը հրաժարական կտա, երբ հալումաշ անի քաղաքացիներին, մինչև հասկանա, որ հրաժարական չտալը գլխատման վտանգով է հղի. Որ իր և ընտանիքի ֆիզիկական գոյությունն ավելի կարևոր է, քան աթոռն ու վայելքները. «Հրապարակ»

Ոստիկանները քաղաքացիների նկատմամբ ուժ գործադրելով և բերման ենթարկելով՝ Կառավարության մեքենաների ճանապարհը բացեցին