Դուխով տղա է, թող մենակ գա. 10 ավտոբուս ոստիկաններ է ուղարկել Սյունիք. Սյունեցին՝ Փաշինյանի մասին
10 ավտոբուս ոստիկաններ է ուղարկել Սյունիք, դուխով տղա է, թող մենակ գա: Այս մասին, այսօր՝ դեկտեմբերի 21-ին, Սյունիքի մարզում Շինուհայրի խաչմերուկում հայտարարեց բողոքի ակցիայի մասնակիցներից մեկը:
«Դուխովը սրա՞նք են, որ 10 ավտոբուս ուղարկում ա Սյունի՞ք: Դուխով տղա չկա: Դուխովը սյունեցիք են: Գլխարկի վրա գրում ա՝ դուխով, ես լ ուրիշ տեղ եմ գրում դուխով»,-ասաց նա:
Ավելի վաղ Operativ լրատվականը հայտնել էր, որ վաղ առավոտյան, Սյունիքի բազմաթիվ բնակիչներ հավաքվել են Շինուհայրի խաչմերուկում, որոնք ցանկանում են առաջանալ, փակել Սյունիքի դարպասներն ու արգելել վարչապետ Նիկոլ Փաշինյանի մուտքը մարզի տարածք:
Ոստիկանությունը ավտոբուսներով մեծաթիվ ուժեր է կուտակել այս հատվածում՝ արգելելով քաղաքացիներին դուրս գալ Գորիս քաղաքից ու իրականացնել նախապես պլանավորած բողոքի ակցիան:
Վաղ առավոտյան ձերբակալվել է Գորիսի քաղաքապետ։ Առուշ Առուշանյանը: Նա ժամեր առաջ հանդես էր եկել կոչով, որով հորդորում էր գորիսեցիներին միանալ ավտոերթին, որը նպատակ ուներ խոչընդոտել վարչապետ Նիկոլ Փաշինյանի այցը Սյունիքի մարզ։
Ինչ-որ պահի երբ սյունեցիները փորձեցին բացել ճանապարհն ու անցնել առաջ, ոստիկանության եւ տեղի բնակիչների միջեւ քաշքշուկ ու հրմշտոց տեղի ունեցավ, որը վերաճեց ծեծկռտուքի: Քաղաքացիներից ոմանք սկսեցին հարվածներ հաացնել իրենց ճանապարհը փակած ոստիկաններին:
Ներքին զորքերի 2000 ծառայողներ այս պահին մեկնել են Սյունիք. 168 ժամ
Ոստիկանական ուժերը փակել են Երևան-Գորիս ավտոճանապարհը՝ խոչընդոտելով գորիսեցիների բողոքի ակցիան