«Համահայկական աշխարհագրականը» դադարեցնում է իր համագործակցությունն ԱԳՆ-ի հետ․ Ռաֆայել Հովհաննիսյանի հայտարարությունը
Համահայկական աշխարհագրական ասոցիացիայի նախագահ Ռաֆայել Հովհաննիսյանը ֆեյսբուքյան իր էջում երեկ գրառում է կատարել՝ տեղեկացնելով, որ «Համահայկական աշխարհագրականը» դադարեցնում է իր համագործակցությունն ԱԳՆ-ի հետ։
«Հարգելի ընկերներ:
17 տարի շարունակ
«Օտար, ամայի ճամփեքի վրա» և «Մերոնք» հաղորդումները համագործակցել են ՀՀ ԱԳՆ - ի հետ և միասին իրականացրել բազմաթիվ ծրագրեր:
ՀՀ ԱԳՆ - ն իրավամբ կարելի է համարել մեր հեռուստանախագծերի աջակիցն ու համահեղինակը, քանի որ առանց այդ պետական հաստատության օժանդակության, մենք չեինք կարողանա կյանքի կոչել այն հսկայածավալ ծրագրերը, որոնք դիտում են հայերն ամբողջ աշխարհում:
Հայտնում եմ իմ խորհին երախտագիտությունը ԱԳՆ բոլոր նախարարներին, դեսպաններին և աշխատակիցներին այդ 17 տարիների համատեղ աշխատանքի համար:
Այսօրվանից «Համահայկական աշխարհագրականը» դադարեցնում է իր համագործակցությունն ԱԳՆ - ի հետ: Կարծում եմ, այնտեղ միայն ուրախ կլինեն, քանի որ ես համարձակվելով պատասխանել Ալիևին խախտեցի այսօրվա հայկական դիվանագիտության սկզբունքները:
Շնորհակալություն», - գրել է նա: