Լոռու մարզի Սվերդլով համայնքում հրդեհվել է բնակելի տուն․ դեպքի վայր է մեկնել ԱԻն ՓԾ 3 մարտական հաշվարկ
Դեկտեմբերի 4-ին, ժամը 00։03-ին Լոռու մարզային ճգնաժամային կառավարման կենտրոն ահազանգ է ստացվել, որ Ստեփանավան քաղաքի Սվերդլով համայնքի վերջնամասում այրվում է բնակելի տուն։ Այս մասին հայտնում են ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ:
Պարզվել է, որ հրդեհը բռնկվել է Սվերդլով համայնքի 1-ին փողոցի տներից մեկի տանիքում։
Հրդեհը մեկուսացվել է ժամը 00։50-ին, մարվել՝ 02։19-ին։ Այրվել են տան կախովի առաստաղից մոտ 40 քմ և տանիքի ( մոտ 100 քմ) փայտյա կառուցատարրերը (մոտ 80քմ):