Եղբայրս գերի է ընկել, տեսանյութով տեսել ենք՝ ձեռքերը մեջքին կապած հրելով, խփելով տանում են. գերեվարվածի եղբայր

Անհետ կորած և գերեվարված զինծառայողների ծնողները Ռուսաստանի Դաշնության դեսպանատան դիմաց էին. ցանկանում էին դիմում-նամակ փոխանցել ՌԴ նախագահ Վլադիմիր Պուտինին: ՌԴ դեսպանատան ներկայացուցչին նամակ փոխանցելուց հետո, ծնողները շարժվեցին դեպի Պաշտպանության նախարարություն:

Նշենք, որ առավոտյան Էջմիածնի զորամասի դիմաց հավաքվել էին անհետ կորած զինծառայողների ծնողները և հարազատները՝ նշելով, որ այդ էջմիածնի զորամասում ծառայած 34 զինծառայողների մասին տեղեկություն չունեն:

Գերի ընկած զինծառայողի եղբայրը լրագրողներին ասաց, որ դիմել են Պաշտպանության նախարարություն,Կառավարություն, Կարմիր խաչ, որպեսզի իրենք երաշխավորեն, որ գերիների կյանքին և առողջությանը վտանգ չի սպառնա.

«Եղբայրս գերի է ընկել Ադրբեջան, երեկ չէ առաջին օրը տեսանյութով տեսել ենք, թե ինչպես ադրբեջանցիների ուղեկցությամբ հայ գերիներին՝ մոտավորապես 15 տղայի ձեռքերը մեջքին կապած հրելով, խփելով տանում են: Մենք տեսանյութերը տեսնում ենք և սարսափում ենք այն ամեն ինչից, ինչ տեղի է ունենում: Փորձում ենք չգիտակցել, որ մեր եղբայրը այնտեղ է և ամեն ինչ անում ենք, որ ապահովություն և երաշխիք լինի, որ նրանց կյանքին և առողջությանը վտանգ չի սպառնալու:

Մենք ավել բան չենք պահանջում, մենք պահանջում ենք միայն այն, ինչ այդ ցավալի հայտարարությանն մեջ նշված է»:

Գերեվարվածի եղբայրը նշեց, որ մեկ շաբաթ առաջ դիմել են նաև Իրանի դեսպանատուն, քանի որ տվյալներ են եղել, որ զինծառայողներ փախուստի ժամանակ պատահաբար հայտնվել են Իրանի սահմանում: Իրանի դեսպանատանը ոչ հերքել, ոչ հաստատել է տեղեկությունը, միայն նշել են, որ Կառավարությունը այդ հարցով զբաղվում է:

Պետությո՞ւն է սա, 27 տարի երեխա եմ պահել, որ տանեք հարցին էսպիսի լուծում տա՞ք. անհետ կորածի հայր

Հո երեխա չենք, 40 օրից ավելի մեզ խաբում են․ անհետ կորած զինծառայողների հարազատները ՊՆ-ում էին (Տեսանյութ)

Տարածքները շատ արագ տալիս ենք, իսկ գերիներին ու զոհերի մարմինները չենք կարողանում վերադարձնել, այս պայմանագիրը միակողմանի՞ է. անհետ կորած զինվորների ծնողների ակցիան Էջմիածնի զորամասի մոտ (Տեսանյութ)