Եթե ես պաշտոնի համար եմ կռիվ տալիս, ինչո՞ւ եմ ուզում ցրել այս Ազգային Ժողովը, որ մնամ առանց պաշտոնի՞
Ինչպես արդեն նշել էին, այսօր լայնածավալ ասուլիս էր տալիս ԲՀԿ-ական պատգամավոր Գևորգ Պետրոսյանը:
ԲՀԿ-ական պատգամավորի համոզմամբ՝ վարչապետ Նիկոլ Փաշինյանը իր պաշտոնավարման ընթացքում բազմիցս սահմանադրական կարգն է տապալել և գիտակցում է, որ երբ հրաժարական տա, հայտնվելու է իրավապահների ուշադրության ներքո, դրա համար էլ երկարաձգում է իր իշխանությունը։
Հնչող քննադատություններին, թե Նիկոլ Փաշինյանի հրաժարականը պահանջողները պաշտոնի համար են կռվում, Գևորգ Պետրոսյանը շեշտեց, որ ինքը հիմա բարձրաստիճան պաշտոնյա է, և ինչո՞ւ պետք է ինքը շահագրգռված լինի պաշտոնակռվի համար։
«Եթե մեզ այսօր հետաքրքրեր մեր պաշտոնը, մեր փափուկ կյանքը, կասեինք՝ մենք գործ չունենք, ձայն չհանենք, աշխատավարձ, խրախուսում ստանում ենք և այլն։ Մենք պաշտոնի կարիք չունենք, մենք այսօր պաշտոն ենք զբաղեցնում, պատգամավոր ենք, ժամանակին մարդկանց երազանքն էր պատգամավոր լինել, եթե ես պաշտոնի համար եմ կռիվ տալիս, ինչու եմ ուզում ցրել այս Ազգային Ժողովը, որ մնամ առանց պաշտոնի՞»,- ասաց նա։
Եթե Վաղարշակ Հարությունյանի հետ պատերազմ ես տանուլ տալիս, ո՞նց ես նշանակում նախարար. Գևորգ Պետրոսյան