Հետը խոսում եմ, 10 բառից 8-ը հազում է․ հարազատները բողոքում են զինծառայողների պահման պայմաններից

Ինչպես արդեն հաղորդել էինք, այսօր` նոյեմբերի 26-ին, Պաշտպանության նախարարության շենքի դիմաց կրկին բողոքի ակցիա էր:

Պատերազմին մասնակցած զինծառայողների առողջության և ապահով կացության կազմակերպման հետ կապված շատ բացեր կան։ Այդ մասին այսօր` նոյեմբերի 26-ին, Պաշտպանության նախարարության շենքի դիմաց կազմակերպված բողոքի ակցիայի ժամանակ լրագրողների հետ զրույցում պատմեց ժամկետային զինծառայողի հարազատը։

«Մենք շատ ահազանգեր ենք ստացել պատերազմին մասնակցած զինծառայողների հանգստի, առողջության և ապահով կացության կազմակերպման հետ կապված շատ բացերի մասին։ Հասկանալի է, որ մշտական տեղակայման համար վայրեր չկան, բայց 16 օրը բավական է տարրական պայմաններով, հիգենիայի ապահովմամբ զբաղվելու համար։ Զինվորները քնում են գետնին՝ առանց ծածկոցի, յուրաքանչյուր զինվոր կարծես թե ինքն է իր համար պատասախանատու, որ գտնի ինչ-որ բան։ Կան մարդիկ, որոնք տեսանյութի մեջ ճանաչել են իրենց հարազատին, թե ինչպես է գետնի վրա քնում», -պատմեց Մանուկ Խաչատրյանը։

Ըստ Մանուկ Խաչատրյանի՝ զինվորները բժշկական աջակցություն չեն ստանում։

«Շատ ծնողներ ահազանգում են, որ իրենց զինվորն ունի թեթև վիրավորում, որ բնականաբար անհամեմատելի է ծանր վիրավորումների հետ, սակայն բժշկական աջակցություն չեն ստանում։ Ես իմ հարազատի հետ խոսում եմ, ինքը 10 բառից 8-ը հազում է։ Եթե պատերազմը շարունակվեր մի քանի տարի, զինվորը չէր մտածի որ ցուրտ է, մրսում է, որ թոքաբորբ է։ Հայաստանի Հանրապետության քաղաքացի զինվորներին պաշտպանության բանակում տեղակայելը պաշտպանության նախարարությունն է ստանձել։ Ինչո՞ւ մենք պետք է խուսափենք պաշտպանության նախարարությանը հարցեր ուղղելուց»,- նշեց Մանուկ Խաչատրյանը։

Այս թեմայով՝

44 օր այս արհավիրքով անցնելուց հետո երեխաները հիմա գնում են բանվորություն անելու. ժամկետային զինծառայողի մայր

Զինվորները քնում են անտառային կենդանիների ու փտած դիակների կողքին. տղաս ասում է՝ «մամ, մեզ բոլորը մոռացե՞լ են». զինծառայողի մայր

Մեկ ամսվա գնացած երեխաները սեպտեմբերի 27-ից դիրք են պահել․ ժամկետային զինծառայողի մայր