128 մլրդ դոլար. Իլոն Մասկը հայտնվել է Bloomberg-ի՝ աշխարհի ամենահարուստ մարդկանց ցանկի 2-րդ հորիզոնականում
Ամերիկայն Tesla և SpaceX ընկերությունների հիմնադիր Իլոն Մասկը Bloomberg գործակալության՝ աշխարհի ամենահարուստ մարդկանց ցանկում կրկին բարելավել է դիրքերը՝ հայտնվելով երկրորդ հորիզոնականում և առաջ անցնելով Microsoft ընկերության հիմնադիր Բիլ Գեյթսից:
Tesla ընկերության բաժնետոմսերի գնի ռեկորդային աճի ֆոնին Մասկի կարողությունն ավելացել է 7,2 միլիարդ դոլարով՝ հասնելով մոտ 128 միլիարդի։ Այս ցուցանիշով նա առաջ է անցել Բիլ Գեյթսից, որի կարողությունը ևս մոտ 128 միլիարդ դոլար է: Այժմ Մասկը զիջում է միայն Amazon ընկերության ղեկավար Ջեֆ Բեզոսին (182 միլիարդ դոլար)։
Bloomberg-ի տվյալներով՝ վերջին 12 ամսվա ընթացքում Մասկի կարողությունն աճել մոտ 100 միլիարդ դոլարով։ Ինչպես նշում է գործակալությունը, ցանկում հայտնված 500 ամենահարուստ մարդկանցից ոչ մեկին չի հաջողվել նշված ժամանակահատվածում նաման ծավալով բազմապատկել իր կապիտալը։ Դեռ ընթացիկ տարվա հունվարին Մասկը Bloomberg-ի վարկանիշային աղուսյակում 35-րդ հորիզոնականում էր։
Հայտնի է, որ Մասկի կարողության մեծացման հիմնական պատճառը Tesla կորպորացիայի կապիտալիզացիայի աճն է։ Դեռ հունվարին այն կազմում էր 100 միլիարդ դոլարից պակաս, սակայն այժմ գնահատվում է մոտ 500 միլիարդ դոլար։
Հիշեցնենք, որ Մասկը միայն օրերս էր հայտնվել աշխարհի ամենահարուստ մարդկանց եռյակում՝ առաջ անցնելով Facebook-ի հիմնադիր Մարկ Ցուկերբերգից և զիջելով միայն Բիլ Գեյթին ու Ջեֆ Բեզոսին։