Որդեկորուս ծնողներին հայհոյելը տականքություն է, մի արեք դա. Սա վերջանա, ձեզնով ենք զբաղվելու. անհայտ կորածի հարազատ

Ինչպես արդեն նշել էինք, այսօր առավոտից անհետ կորած զինծառայողների հարազատները բողոքի ձայն էին բարձրացնում:

«Մենք պաշտպանության նախարար Դավիթ Տոնոյանին ասացինք, որ կան սպաներ, որ իրոք հանցագործ են, էդ մարդկանց պատասխանատվության երբ եք կանչելու»: Այս մասին վերը նշված ակցիայի ժամանակ ասաց անհետ կորած զինծառայողներից մեկի ծնողը:

«Նախարարն ասաց՝ անհոգ եղեք, այդ ամենը իմ վերահսկողության տակ է: Ես էլ ասել եմ, որ հուսով եմ, որ այդ պատիժը կկրեն սկսած ամենավերին օղակներից, ոչ թե ներքեւի օղակից 1-2 կապիտան, ավագ լեյտենանտ դատեն, իսկ վերեւիները ազատվեն: Մարդ կա, անունը դեռ չեմ ասի, այդ հարցը դեռ կբարձրացնենք, գիտենք, որ ինքը շատ մեծ սխալ է արել, բայց էսօր լսում ենք, որ պարգեւատրվել է»,-ասաց նա:

Ակցիայի մասնակիցը նաեւ անդրադարձավ ֆեյսբուքյան գրառումներին՝ նշելով. «Ժողովուրդ ուշքի եկեք, ովքեր այդ վիդեոների տակ այդ լկտի քոմենթները գրում է, ես ձեզ ուղղակի ասում եմ՝ մի արեք դա: Որդեկորուս ծնողներին հայհոյելը տականքություն է: Այս հարցը ունենալու է իր վերջը եւ դրանից հետո զբաղվելու ենք ձեզնով ու շատ խիստ ենք զբաղվելու: Եթե այդքանը չեք հասկանում, եթե ուղեղ չունեք, որ մի հատ կարդաք կամ լսեք, թե մենք ինչ ենք պահանջում, եթե դուք էդ պահանջը չեք հասկանում, մի էլ գրեք այդպիսի բաներ: Չի կարելի երեխա կորցրած մորը վիրավորել»:

Թեմայով՝

Այդ երեխաներին 2-3 օր առաջ են գերության վերցրել Ջեբրայիլի, Հադրութի տարածքից. անհետ կորած զինծառայողի հարազատ (Տեսանյութ)

«Տղայիս անկողնուց տաքության մեջ հանեցին, տարան». անհետ կորած զինծառայողների ծնողների բողոքի ակցիան (Տեսանյութ)

Եթե ձեր ղեկավարներն անզոր են, դիմենք ռուսական զորքին. անհետ կորածի հարազատը՝ Անդրանիկ Քոչարյանին (Տեսանյութ)

Դավիթ Տոնոյանն իր սեւ գործն արեց, ռադը քաշեց ու գնաց. անհետ կորած զինվորի հարազատ

2 տղես հոկտեմբերի 9-ից չկան. Պարոն վարչապետ, մեր երեխեքին գտի բեր. Անհետ կորած զինծառայողների հարազատները ՊՆ-ի մոտ (Տեսանյութ)