«Պուտինը հավասարակշռության մեջ է պահում աշխարհաքաղաքական կարգի ամբողջ երերուն համակարգը. Էրդողանին և Փաշինյանին, Ալիևին և Թրամփին, Մակրոնին և Մերկելին». Եվգենի Սատանովսկի

Ռուս արևելագետ, Մերձավոր Արևելքի ինստիտուտի նախագահ Եվգենի Սատանովսկին անդրադարձել է վերջին տասնամյակներում ձևավորված աշխարհաքաղաքական կարգին՝ նշելով, որ դրա հիմքերն այժմ շատ երերուն են:

Նշվում է, որ վերջին տասնամյակում շատ երկրներում եղել են հեղափոխությունների ալիքներ, ակտիվացել է ահաբեկչական գործողությունների ալիքը, համաշխարհային տնտեսությանը, իր հերթին, մեծ վնաս է հասցրել կորոնավիրուսի համավարակը:

Քաղաքագետն իր АРМАГЕДДОНЫЧ թելեգրամյան ալիքում նշել է, որ ստեղծված բարդ իրավիճակում շատ քաղաքական գործիչներ ուշադրությունը սևեռում են պակաս կարևորության բաների վրա՝ անտեսելով իրականում կարևոր պահերը, որոնց ուղղությամբ այժմյան քաղաքական համակարգի պահպանման համար անհրաժեշտ է աշխատել:

Նրա խոսքով՝ այս առումով բացառություն չէ նաև Ռուսաստանը, որտեղ կուտակված գործերի վերլուծություն կատարելով՝ քաղաքագետը նշում է, որ ՌԴ-ի «իրական գործերով» այժմ զբաղվում են միայն պաշտպանության նախարար Սերգեյ Շոյգուն և նախագահ Վլադիմիր Պուտինը: Միևնույն ժամանակ ռուս ղեկավարի ուսերին, փորձագետի կարծիքով, տիտանական ծանրաբեռնվածություն է ընկնում:

«Պուտինը հավասարակշռության մեջ է պահում այդ ամբողջ երերուն համակարգը. Էրդողանին և Փաշինյանին, Ալիևին և Թրամփին, Մակրոնին և Մերկելին, Լուկաշենկոյին և Սի Ծինփինին, Նեթանյահուին և Մադուրոյին, Զելենսկիին և Ասադին: Իրենց մասին էլ չասենք: Բարդ գործ է տարբեր կողմեր ձգվող, համառող գետաձիների խումբը ճահճից դուրս քաշելը»,- այսպես է Սատանովսկին մեկնաբանել իրավիճակը:

Միևնույն ժամանակ նա ընդգծել է, որ Պուտինը մեծ ջանքեր է ներդնում «գոնե որոշակի հավասարկշռության հասնելու համար», սակայն «դրանից ոչինչ ավելի չի թեթևանա, քանի որ աշխարհում որևէ մեկն ավելի երիտասարդ ու խելացի չի դառնա»: