Նիկո՛լ - Դավաճան, Նիկո՛լ-Հեռացիր. Փաշինյանի հրաժարականը պահանջող քաղաքացիներն անհնազանդության ակցիաներ են իրականացրել Երևանի փողոցներում. որոշները բերման ենթարկվեցին (տեսանյութեր)
Քաղաքացիները այսօր՝ նոյեմբերի 19-ին, բողոքի ակցիաներ են իրականացրել մայրաքաղաքի տարբեր հատվածներում՝ պահանջելով վարչապետի հրաժարականը։
Վարչապետի հրաժարականի պահանջով՝ ՀՅԴ-ականները բողոքի ակցիա են անում Երևանի տարբեր հատվածներում։ Քիչ առաջ նրանք փակեցին Մյասնիկյան պողոտան՝ «Բելաջիո» ռեստորանային համալիրի մոտ: Փակվել էր դեպի Ավան և Նոր Նորք գնացող հատվածը: Նրանք հայրենասիրական երգեր են երգում, վանկարկում են «Նիկոլ դավաճան»: Վարորդներից մի քանիսը վիճաբանության մեջ մտան ակցիա իրականացնողների հետ՝ պահանջելով բացել ճանապարհը: Որոշ ժամանակ անց ակցիան իրականացնողները բացեցին ճանապարհը:
Նշենք, որ Այս պահին նմանատիպ ակցիաներ են իրականացվում Երևանի տարբեր հատվածներում: Քաղաքացիները չեն մոռանում ճանապարհ տալ շտապօգնության ավտոմեքենաներին:
Հիշեցնենք, որ վարչապետ Նիկոլ Փաշինյանը նոյեմբերի 9-ին Ադրբեջանի եւ Ռուսաստանի նախագահների հետ ստորագրել է եռակողմ հայտարարություն, ըստ որի՝ Արցախի մի մասը, ինչպես նաեւ հարակից շրջանները հանձնվում են Ադրբեջանին։
Մասնավորապես, Ադրբեջանին են անցնում Արցախի 7 շրջանները, Շուշին, Հադրութը, ինչպես նաև գյուղեր՝ Ասկերանի ու Մարտունու շրջաններից, ինչպես նաև Մարտակերտի շրջանի Թալիշ և Մատաղիս գյուղերը։
Հիշեցնենք, որ վարչապետ Նիկոլ Փաշինյանը, ՌԴ նախագահ Վլադիմիր Պուտինը և Ադրբեջանի նախագահ Իլհամ Ալիևը ստորագրել են համաձայնագիր, որով Ադրբեջանին են անցնում Արցախի 7 շրջաններնը, Շոիշին և Հադրութը, ինչպես նաև գյուղեր՝ Ասկերանի ու Մարտունու շրջաններից, ինչպես նաև Մարտակերտի շրջանի Թալիշ և Մատաղիս գյուղերը։
Նիկոլ Փաշինյանի այս որոշումն ու քայլը վրդովվեցրել է քաղաքացիներին։
Մանրամասն՝ տեսանյութերում: